У Беларусі распрацоўваюць законапраект у сферы сацыяльнага абслугоўвання. Аб гэтым паведаміў намеснік прэм'ер-міністра Ігар Петрышэнка на сумесным пасяджэнні Палаты прадстаўнікоў і Савета Рэспублікі, перадае БелТА.
«У бягучым годзе ўрадам будзе завершана падрыхтоўка і забяспечана ўнясенне ў Палату прадстаўнікоў законапраекта, які прадугледжвае комплексную карэкціроўку прававой базы ў галіне сацыяльнага абслугоўвання. У прыватнасці, прадугледжваецца замацаваць новы механізм ацэнкі патрэбнасці насельніцтва ў сацыяльным абслугоўванні, перагледзець падыходы да выплаты дапамогі па догляду інваліда I групы або асобай, якая дасягнула 80-гадовага ўзросту. Таксама ў планах удасканаліць канцэпцыю дзейнасці дамоў-інтэрнатаў, больш шырока ўключыць у гэту работу недзяржаўныя арганізацыі, якія аказваюць насельніцтву сацыяльныя паслугі», — сказаў Ігар Петрышэнка.
На фінансаванне тэрытарыяльных цэнтраў і дамоў-інтэрнатаў у 2021 годзе накіравана каля Br470 млн. Урад праводзіць сістэмную работу па аптымізацыі і павышэнню эфектыўнасці выкарыстання бюджэтных сродкаў, што выдзяляюцца на гэтыя мэты. Забяспечваецца паэтапная апрабацыя і ўкараненне нарматыўных метадаў фінансавання ў залежнасці ад колькасці спажыўцоў паслуг. «З 2023 года ўсе дзяржаўныя ўстановы сацыяльнага абслугоўвання будуць поўнасцю пераведзены на новы фармат нарматыўнага планавання», — адзначыў віцэ-прэм’ер.
У цэлым за мінулы год колькасць атрымальнікаў сацыяльных паслуг у краіне вырасла больш як на 4 працэнты. Сацыяльным абслугоўваннем ахоплена звыш 153 тыс. пажылых грамадзян і інвалідаў.
Прэв’ю: pixabay.com
Мерапрыемства праводзіцца на добраахвотнай аснове.
Не выявіць ні секунды абыякавасці.
