Вы тут

Самы стары арган Беларусі будзе гучаць у Гродне


Гродзенскі францысканскі касцёл прыняў Вялікі фестываль арганнай музыкі, які праходзіць у розных гарадах Беларусі з чэрвеня да верасня. Гэта будуць першыя за доўгі час і бясплатныя для слухачоў канцэрты на працягу сямі чацвяргоў запар.


Адкрыла Ars Magna Organi у Гродне Кацярына Іванова з Віцебска. У наступны чацверг, 30 чэрвеня, у 19.30 на аргане будзе іграць Калініка Мядзведзева з Мінска.

Таксама ў праграме: 

  • 7 ліпеня, 19.30 — Ірына Разанава (Санкт-Пецярбург) — арган і Васіль Мельнікаў (Любляны) — скрыпка.
  • 14 ліпеня, 19.30 — Інна Шпілеўская (Наваполацк).
  • 21 ліпеня, 19.30 — Ганна Горбач (Мінск).
  • 28 ліпеня, 19.30 — Анастасія Скідзельнікава (Масква).
  • 4 жніўня, 19.30 — Канстанцін Воласнаў (Масква).

Трэба заўважыць, што арган у францысканскім касцёле ў Гродне лічыцца ледзь не самым старым у Беларусі. Незвычайны інструмент на дванаццаць галасоў вырабіў у 1750 годзе Мацей Краеўскі па фундацыі Канстанцыі Міхаліны Лазавой. 

Арган некалькі разоў перабудоўвалі — у 1884 і 1988 гадах — але пярэдні бок аргана і частку труб захавалі з 1750 года. Апошні грунтоўны рамонт інструмента адбыўся восем год таму. 

Яшчэ тры канцэрты арганнай музыкі адбудуцца ў Гродне ў касцёле Найсвяцейшага Адкупіцеля на Курчатава, 41, дзе устаноўлены сучасны электронны арган.

  • 3 верасня, 20.00 — Калініка Мядзведзева (Мінск) — арган, Анастасія Турчанінава (Мінск) — скрыпка.
  • 10 верасня, 20:00 — Вераніка Багдановіч-Язвінская (Віцебск) — арган, Аляксандра Палятаева (Віцебск) — флейта.
  • 17 верасня, 20.00 — Ганна Горбач (Мінск).

Напамінаем, што ўваход на ўсе канцэрты бясплатны.

Дарэчы, усяго ў рамках Рэспубліканскага фестывалю Аrs Magna Organi («Вялікае мастацтва аргана») у 2022 годзе запланавана 54 выступленні ў 12 гарадах Беларусі. 

Канцэрты будуць выконвацца на шасці гістарычных арганах: касцёлы ў Пінску, Мядзведзічах, Гродне (францысканскі), Мсцібаве, Лідзе (Фара), Ваўкалаце, на двух сучасных арганах у Віцебскай філармоніі і касцёле ў Мёрах, а таксама на двух перанесеных — у касцёлах у Лельчыцах і Магілёве. Запрацуюць таксама электронныя арганы ў гродзенскім касцёле на Дзевятоўцы і ў касцёле ў Наваполацку.

У фестывалі возьмуць удзел арганісты з Беларусі і Расіі.

Аліса СКІБА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».