Гонар краіны


Урачыстая цырымонія адбылася на плошчы Дзяржаўнага сцяга. З гэтай важнай падзеяй у жыцці маладых афіцэраў павіншаваў кіраўнік міліцэйскага ведамства.


— Вучоба ў вядучай міліцэйскай ВНУ была нялёгкай, але гэтыя гады будуць успамінацца як час атрымання важных прафесійных навыкаў і набыцця моцнага курсанцкага таварыства, — звяртаючыся да выпускнікоў, адзначыў міністр унутраных спраў генерал-лейтэнант міліцыі Іван КУБРАКОЎ. — На службе давядзецца прымаць розныя рашэнні. Але, разбіраючыся ў сітуацыях, памятайце: перад вамі — грамадзяне Беларусі, няхай і тыя, якія аступіліся, кіруйцеся законам і сумленнем.

Выказаўшы ўдзячнасць прафесарска-выкладчыцкаму саставу Акадэміі МУС, падзякаваў міністр і бацькам за выхаванне сваіх дзяцей. «Я ўпэўнены, што ніводны, хто стаіць у гэтым страі, не падвядзе, — падкрэсліў Іван Кубракоў. — Тут — сапраўдныя патрыёты, абаронцы сваёй Радзімы!»

Сярод наваспечаных лейтэнантаў — прэзідэнцкія стыпендыянты, уключаныя ў банк даных адоранай моладзі, а таксама выдатнікі вучобы, кандыдаты ў майстры спорту. З чырвоным дыпломам акадэмію скончылі 18 выпускнікоў, восем з іх атрымалі яшчэ і залатыя медалі.

Як заўважыў намеснік дзяржаўнага сакратара Савета бяспекі генерал-маёр юстыцыі Аляксандр РАХМАНАЎ, афіцэрскі склад нашых сілавых ведамстваў папоўніўся новай зменай — таленавітымі, мэтанакіраванымі выпускнікамі, якія любяць сваю краіну.

Маладыя афіцэры працягнуць службу як у Міністэрстве ўнутраных спраў, так і ў Міністэрстве абароны, Следчым камітэце, Дзяржаўным камітэце судовых экспертыз, Дэпартаменце фінансавых расследаванняў Камітэта дзяржаўнага кантролю і Дзяржаўным пагранічным камітэце.

Вераніка КАНЮТА

Фота Лізаветы ГОЛАД

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».