Форум рэгіёнаў Беларусі і Расіі будзе нацэлены на выпрацоўку новых падыходаў развіцця супрацоўніцтва дзвюх краін у новых палітычных рэаліях. Аб гэтым заявіла старшыня Савета Федэрацыі Федэральнага Сходу Расійскай Федэрацыі Валянціна Мацвіенка ў эфіры тэлеканала СТБ.
Валянціна Мацвіенка адзначыла, што запатрабаванасць форуму расце. Гэта пацвярджае і ўзаемадзеянне рэгіёнаў Расіі і Беларусі, якое актыўна развіваецца не толькі на самой пляцоўцы форуму, але і паміж форумамі.
«Я ўпэўненая, што і дзевяты форум, які мы правядзём, і наступны юбілейны дзесяты будуць працягвацца. Актуальнасць іх, важнасць, эфектыўнасць пацвярджаецца і тым, што лідары нашых дзяржаў, прэзідэнты Беларусі і Расіі, надаюць яму вельмі вялікую ўвагу, нязменна прымаюць удзел. І ў гэтым дзевятым форуме плануецца ўдзел Аляксандра Рыгоравіча Лукашэнкі, Уладзіміра Уладзіміравіча Пуціна, — падкрэсліла старшыня Савета Федэрацыі. — Важны сам факт іх удзелу, але галоўнае, што менавіта яны задаюць вектары нашага ўзаемадзеяння, напрамкі нашага супрацоўніцтва, расстаўляюць патрэбныя акцэнты, якімі мы потым кіруемся».
Валянціна Мацвіенка лічыць, што маючы адбыцца форум будзе незвычайны. «Ён будзе асаблівы па многіх абставінах, але, па-першае, мы будзем праводзіць яго ў новых палітычных рэаліях, ва ўмовах беспрэцэдэнтных санкцый супраць Расіі і Беларусі. Таму, упэўненая, ён будзе нават больш прадметным і канкрэтным, у чымсьці вострым і нацэленым на выпрацоўку новых падыходаў развіцця нашага супрацоўніцтва ў новых палітычных рэаліях», — заявіла старшыня Савета Федэрацыі.
Прэв’ю: СТБ
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
