Прэзідэнт Расіі Уладзімір Пуцін зацікавіўся прапановай кіраўніка беларускай дзяржавы па сумесным развіцці вытворчасці лесанарыхтоўчай тэхнікі, што адпавядае інтарэсам і патрэбнасцям абедзвюх краін. Аб гэтым Прэзідэнт Беларусі Аляксандр Лукашэнка расказаў на сустрэчы з губернатарам Самарскай вобласці Дзмітрыем Азаравым, перадае БелТА.
Прэзідэнт заявіў аб гатоўнасці Беларусі істотна нарасціць аб’ёмы паставак самай сучаснай аўтамабільнай, сельскагаспадарчай і дарожна-будаўнічай тэхнікі. Асобна ён акцэнтаваў увагу на лесанарыхтоўчай тэхніцы, вытворчасць якой апошнія гады асвойваецца ў Беларусі, але серыйная вытворчасць пакуль не наладжана. А гэта прадукцыя запатрабавана і ў Расіі.
«Я Прэзідэнту (Расіі. — Заўвага БелТА) гэта ўсё расклаў. Без гэтага ж мы не абыдземся, асабліва Расія. Гэта, як я сказаў, наша другая нафта (лясныя рэсурсы. — Заўвага БелТА). І пад гэта сёння, каб усё гэта разгарнуць як імпартазамяшчэнне, патрэбна мінімум ад 200 да 250 мільёнаў долараў. Ён гаворыць: гэта цікавы праект, мы павінны яго вывучыць і абавязкова пашыраць. Ва ўрадах трэба цяпер каб праект гэты пайшоў. Можа, і Самарская вобласць знойдзе ў гэтым сваё месца», — заявіў беларускі лідар.
Прэв’ю: БелТА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
