Вы тут

Галоўчанка аб перспектывах супрацоўніцтва з Самарскай вобласцю


Прэм’ер-міністр Беларусі Раман Галоўчанка абазначыў перспектывы супрацоўніцтва ў час сустрэчы з губернатарам Самарскай вобласці Дзмітрыем Азаравым, перадае БелТА.


Фота БелТА

«Сёння ў ходзе сустрэчы ў кіраўніка дзяржавы былі абазначаны асноўныя поспехі, якія дасягнуты ў гандлёва-эканамічным, навукова-тэхнічным, гуманітарным супрацоўніцтве Беларусі і Самарскай вобласці. Самае галоўнае — прадметна разгледзець рэзервы, якія ёсць для нарошчвання ўзаемадзеяння. Магчыма, недзе ёсць запаволенне па нейкіх трэках, а недзе ёсць і тыя нішы, якія трэба расхістаць, каб цалкам задзейнічаць усе рэзервы», — сказаў Раман Галоўчанка.

Ён адзначыў, што цяпер вельмі важна працаваць хутка. «Абстаноўка складваецца даволі няпростая, але няма нічога крытычнага. Беларусь і Расія здольны забяспечыць людзей усім неабходным, каб сабіраць добры ўраджай, гадаваць жывёлу, вырабляць высокатэхналагічныя тавары, — падкрэсліў прэм’ер-міністр. — Цяпер на першы план выходзіць кааперацыя, узаемныя пастаўкі, замяшчэнне недружалюбных партнёраў. Усё гэта патрабуе хуткасці ў прыняцці рашэнняў і спагадлівасці».

Праграма візіту дэлегацыі Самарскай вобласці даволі насычаная, звярнуў увагу Раман Галоўчанка. На парадку дня супрацоўніцтва з МТЗ, «АМКАДОРАМ», БКМ і іншымі беларускімі прадпрыемствамі. У прыватнасці, ва ўзаемадзеянні з беларускім бокам зацікаўлены расійскі аўтамабільны гігант АЎТАВАЗ.

«Беларусь са свайго боку зацікаўлена ў раскручванні шэрага напрамкаў. Гэта і задавальненне патрэбнасцей вашага рэгіёна ў цэлым сегменце машынабудаўнічай прадукцыі — грузавой, камунальнай, дарожна-будаўнічай тэхніцы, электратранспарце. Што датычыцца кааперацыйнага ўзаемадзеяння ў аўтабудаванні, ці гэта пастаўка кампанентаў для вытворчасці аўтамабіляў альбо іншыя напрамкі, з вялікай цікавасцю разгледзім», — дадаў Раман Галоўчанка.

Што датычыцца сельскай гаспадаркі, у Самарскай вобласці рэалізуецца маштабная праграма развіцця з упорам на мадэрнізацыю. Прэм’ер-міністр Беларусі прапанаваў абмеркаваць супрацоўніцтва і па гэтым напрамку.

Перспектыўна і развіццё ўзаемадзеяння ў будаўнічай сферы. Як падкрэсліў кіраўнік урада, беларускі бок гатовы да супрацоўніцтва, калі ёсць зацікаўленасць у аб’яднанні намаганняў у сферы тэрытарыяльнага планавання, горадабудаўнічага заніравання, прымянення сучасных тэхналогій у будаўніцтве, а таксама ў будматэрыялах.

Яшчэ адзін напрамак — сфера навукі, якая фарміруе зачын для тэхналагічнага развіцця. Так, Самарская вобласць развівае ўзаемадзеянне з Нацыянальнай акадэміяй навук Беларусі.

Выбар рэдакцыі

Грамадства

Талакой за зялёны горад. Ці будуць падтрыманы ініцыятывы жыхароў па азеляненні горада ў конкурсе грамадзянскіх ініцыятыў?

Талакой за зялёны горад. Ці будуць падтрыманы ініцыятывы жыхароў па азеляненні горада ў конкурсе грамадзянскіх ініцыятыў?

Ці будуць падтрыманы ініцыятывы жыхароў па азеляненні горада ў конкурсе грамадзянскіх ініцыятыў?

Здароўе

Асцярожна: ежа! Як папярэдзіць харчовыя атручэнні

Асцярожна: ежа! Як папярэдзіць харчовыя атручэнні

Як папярэдзіць харчовыя атручэнні.

Культура

След Рагнеды і два Менскі. Што «накапалі» археолагі і як гэта змяняе погляд на беларускую гісторыю

След Рагнеды і два Менскі. Што «накапалі» археолагі і як гэта змяняе погляд на беларускую гісторыю

 Што «накапалі» археолагі і як гэта змяняе погляд на беларускую гісторыю.

Грамадства

Прыёмная кампанія: хто штурмаваў ВНУ? Рэкорды і антырэкорды

Прыёмная кампанія: хто штурмаваў ВНУ? Рэкорды і антырэкорды

У БДУ 82 % залічаных на першы курс набралі 300 балаў і больш.