Вы тут

Жальбіны па Янку Купалу: 80 гадоў назад паэт загінуў у Маскве


28 чэрвеня на Вайсковых могілках адбыліся Жальбіны з нагоды 80-й гадавіны са дня трагічнай смерці Янкі Купалы. 


Прадстаўнікі творчай інтэлігенцыі, працаўнікі Дзяржаўнага літаратурнага музея Я. Купалы і проста прыхільнікі творчасці паэта ўсклалі да помніка белыя ружы — любімыя кветкі паэта.

— Кожны год мы прыходзім сюды з жальбой, — пачала Алена Стэльмах, першы намеснік старшыні Саюза пісьменнікаў Беларусі. — Мы прыходзім да таго месца, дзе Купала знайшоў апошні прыпынак, але гэта ўсё умоўна, таму што Купала жыве ў сэрцы кожнага з нас, жыве ў Беларусі і ў сваёй любай Вязынцы.

Падчас свайго выступлення Міхась Пазнякоў, старшыня Мінскага гарадскога аддзялення Саюза пісьменнікаў Беларусі ўзгадаў, як Кандрат Крапіва расказваў пра апошнія гадзіны жыцця Янкі Купалы. Ён падкрэсліў, што галоўная задача — даносіць да новых і новых пакаленняў святло творчасці і паэзіі.

Таксама прысутныя даведаліся ад Віктара Шніпа, галоўнага рэдактара выдавецтва «Мастацкая літаратура», што ў сёмым нумары часопіса «Полымя» друкуецца кніга Канстанцыі Буйло «Міламу другу». Гэта зборнік вершаў, прысвечаных Янку Купалу. Большасць з іх раней нідзе не друкавалася.

Іван Аўлачымскі.

Трэба адзначыць і тое, што на Жальбінах прысутнічалі сваякі класіка: нашчадкі яго сястры Леакадзіі Раманоўскай — унучатыя пляменніцы Алена Рысцова, Ніна Раманоўская і ўнучаты пляменнік Марыі Аўлачымскай — Іван Аўлачымскі.

Лізавета ГОЛАД

Фота аўтара

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.