Дэпартамент здароўя Эстоніі пацвердзіў першы выпадак заражэння воспай малпаў у краіне, паведаміла ў аўторак прэс-служба ведамства, перадаюць РИА Новости.
«Хворы заразіўся, знаходзячыся за мяжой, і, наколькі вядома дэпартаменту, у яго няма блізкіх кантактаў у Эстоніі. У хворага назіраюцца сімптомы тыповыя для воспы малпаў. Заражаны — мужчына сярэдніх гадоў. Гэта пакуль адзіны выпадак заражэння воспай малпаў у Эстоніі», — гаворыцца ў паведамленні.
Воспа малпаў — рэдкая вірусная інфекцыя, якая перадаецца паміж людзьмі паветрана-кропельным або кантактным шляхам. Звычайна гэта лёгкае захворванне, і большасць людзей здаравеюць на працягу некалькіх тыдняў, аднак у некаторых магчымыя ўскладненні.
Пачатковыя сімптомы воспы малпаў уключаюць ліхаманку, галаўны боль, цягліцавы боль, боль у спіне, павелічэнне лімфатычных вузлоў, дрыжыкі і знясіленне. Можа развіцца сып, часта пачынаецца на твары, а затым распаўсюджваецца на іншыя часткі цела. Сып змяняецца і праходзіць розныя стадыі, перш чым канчаткова сфармуецца струп, які пазней адпадае.
Прэв’ю: pixabay.com
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
