Вы тут

Генетыкі асвоілі тэхналогію, якая паскарае стварэнне вакцын


Навукоўцы Інстытута цыталогіі і генетыкі Сібірскага аддзялення РАН (ІЦіГ, Новасібірск) асвоілі спосаб вывядзення адчувальных да COVID-19 трансгенных лабараторных мышэй, якіх выкарыстоўваюць пры распрацоўцы вакцыны. Метад можна будзе выкарыстоўваць для стварэння вакцын супраць іншых вірусаў, паведамілі ў аўторак у прэс-службе ўніверсітэта ІЦіГ, перадае ТАСС.


«Тэхналогіі геннай інжынерыі дастаткова ўніверсальныя, але пры гэтым кожная нацэлена на сваю групу задач. У прыватнасці, той метад, які мы асвоілі і дапрацавалі, дазволіць у будучыні досыць хутка стварыць неабходную колькасць жывёл для выпрабавання вакцын супраць новых вірусных пагроз, у тым ліку такіх, якіх нельга стварыць іншымі, раней засвоенымі спосабамі», — прыводзіць прэс-служба словы вядучага навуковага супрацоўніка ІЦіГ Нарымана Батуліна.

Ён нагадаў, што ў шэрагу краін ёсць цэнтры, якія займаюцца аналагічнай працай. У разгар пандэміі яны практычна згарнулі экспарт трансгенных жывёл, абслугоўваючы пераважна ўласных распрацоўшчыкаў вакцын і лекаў. Таму наяўнасць спецыялістаў, якія валодаюць такімі тэхналогіямі, важны элемент абароны краіны ад эпідэміялагічных пагроз.

Увесну 2020 года расійскія вірусолагі сутыкнуліся з праблемай — дзе ўзяць лабараторных жывёл, адчувальных да COVID-19, для выпрабавання вакцын і антывірусных прэпаратаў. Вірус паражаў людзей, але быў бясшкодны для грызуноў, якіх звычайна выкарыстоўваюць у такой працы. Над рашэннем задачы працавалі адразу некалькі груп даследчыкаў з розных навуковых цэнтраў, у тым ліку — у Новасібірскім ІЦіГ СА РАН.

«Кожная з груп пайшла сваім шляхам, мы атрымалі першае пакаленне трансгенных мышэй ужо восенню 2020 года. Але, хоць мышам і ўкаранілі чалавечы ген, які адказвае за ўваход віруса ў клеткі, яны ўсё роўна не заражаліся. Прыйшлося разбірацца дэталёва», — распавёў Батулін.

На пошук рашэння сышло больш за год. За гэты час навукоўцы выявілі і апісалі шэраг нюансаў у тэхналогіі стварэння трансгенных жывёл, якія раней не раз станавіліся прычынай зрыву эксперыментаў у калег па ўсім свеце. А галоўнае — знайшлі спосаб пазбегнуць гэтага. У выніку створана пакаленне мышэй, адчувальных да COVID-19. Гэты вынік быў пацверджаны на выпрабаваннях у дзяржаўным навуковым цэнтры вірусалогіі і біятэхналогіі «Вектар».

Прэв’ю: pixabay.com

Выбар рэдакцыі

У свеце

Цугцванг па-варшаўску. Куды рушаць польскія ўлады?

Цугцванг па-варшаўску. Куды рушаць польскія ўлады?

Самыя важныя выклікі, з якімі палякам давядзецца сутыкнуцца ўжо адразу пасля летніх канікулаў, — гэта энергетычны крызіс, высокія працэнтныя стаўкі і будучы эканамічны спад.

Грамадства

Талакой за зялёны горад. Ці будуць падтрыманы ініцыятывы жыхароў па азеляненні горада ў конкурсе грамадзянскіх ініцыятыў?

Талакой за зялёны горад. Ці будуць падтрыманы ініцыятывы жыхароў па азеляненні горада ў конкурсе грамадзянскіх ініцыятыў?

Ці будуць падтрыманы ініцыятывы жыхароў па азеляненні горада ў конкурсе грамадзянскіх ініцыятыў?