Асобныя гаспадаркі Брэстчыны пачалі выбарачнае жніво азімых культур. Гэта рэдкі выпадак, калі камбайны выходзяць на палеткі ў чэрвені. Але такому становішчу паспрыяла сёлетняя спёка.
Першымі на зажынкі выйшлі ў паўднёвых раёнах вобласці: Брэсцкім, Камянецкім, Жабінкаўскім, Столінскім. Праз некалькі дзён колас паспрабуюць на сілу і ў суседніх раёнах. Першай культурай, якая ўбіраецца, традыцыйна становіцца азімы ячмень. Вільготнасць зерня зараз складае ад 14 да 16 працэнтаў, гэта добры паказчык для ўборкі — паведамілі ў аблсельгасхарчы.
У Брэсцкім раёне першымі на ўборку выйшлі земляробы ААТ «Астрамечава». Сёння быў пробны выхад, свайго роду агледзіны. Чатыры машыны ўбралі невялікае поле ячменю. Праз тры-чатыры дні да ўборкі далучацца іншыя экіпажы камбайнераў. Уборку завяршыць у гаспадарцы плануюць за два тыдні, пры ўмове, што надвор’е паспрыяе.
Усяго ж на Брэстчыне сёлета трэба ўбраць 360 тысяч гектараў збожжавых і зернебабовых. Тэхніка і сушыльная гаспадарка да ўборачнай кампаніі гатовы.
Святлана ЯСКЕВІЧ
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.