Вы тут

Таргі на БВФБ: беларускі рубель усё ж таннее


Па выніках таргоў на БВФБ беларускі рубель усё ж таннее, а расійскі рубель набліжаецца да 5 (за сотню).


А раніцай на таргах усё было інакш. У пачатку адзінаццатага раніцы 29 чэрвеня беларускі рубель крыху ўмацоўваўся да долара і еўра, але да завяршэння ён сваю перавагу страціў і да закрыцця таргоў аслабеў да ўсіх асноўных валют.

Моцна падаражэў кошык валют. Усяго за суткі яго кошт падскочыў на 2,46 %. За ўсю гісторыю таргоў больш было толькі двойчы. Апошні раз крыху больш за тры месяца таму. З пачатку месяца кошык валют падаражэў на 8,75%, а з пачатку года ўжо на 18,11%.

А курс долара падрос усяго на 0,0014 BYN да 2,5235 BYN/USD і пакінуў мінімум за 34 дні. Папярэднія восем дзён долару падаражэць не ўдавалася. Ён саступіў беларускаму рублю за гэты час 0,0422 BYN. Аб’ём таргоў доларам «на росце» сёння падскочыў у 4 разы да 50,1 мільёнаў долараў.

Курс еўра вырас і таго менш — толькі на 0, 0013 BYN да 2, 6630 BYN / EUR. Млявае ўмацаванне еўра ідзе трэці дзень. За гэты час ягоны курс вырас усяго на 0,0027 BYN да максімуму за 8 дзён.

Вельмі актыўнай была на гэтых таргах расійская валюта. Курс расійскага рубля ірвануў уверх адразу на 0,2326 BYN да 4,9705 BYN/100 RUB — гэта новы абсалютны максімум.

Да ўзроўню 5,00 BYN за сотню расійскіх засталося менш за 0,6 %. Сёння суседні рубель прадэманстраваў уражлівы вынік — рост амаль на 5% за адну гандлёвую сесію. За ўсю гісторыю назірання больш было толькі тройчы. Усяго 3,5 месяцы таму 9 сакавіка на біржы ў Мінску за сотню расійскіх рублёў прапаноўвалі ўсяго 2,74 беларускія рублі. Хто б мог тады падумаць, што праз квартал расійскі рубель будзе рыхтавацца да штурму адзнакі 5,00 BYN.

Сяргей КУРКАЧ

Прэв’ю: pexels.com

Выбар рэдакцыі

Грамадства

Прыёмная кампанія: хто штурмаваў ВНУ? Рэкорды і антырэкорды

Прыёмная кампанія: хто штурмаваў ВНУ? Рэкорды і антырэкорды

У БДУ 82 % залічаных на першы курс набралі 300 балаў і больш.

Калейдаскоп

Склад для дачніка. Парады ад практыкаў, як лепш захаваць ураджай на зіму

Склад для дачніка. Парады ад практыкаў, як лепш захаваць ураджай на зіму

Парады ад практыкаў, як лепш захаваць ураджай на зіму.