Вы тут

Дзіцячы трэнер з Бельгіі правядзе майстар-клас для юных баранавіцкіх футбалістаў


Дзіцячы футбольны трэнер з Бельгіі Ёнас Дземан правядзе майстар-клас для выхаванцаў дзіцяча-юнацкай спартыўнай школы футбольнага клуба «Баранавічы», паведаміў БелТА дырэктар ФК «Баранавічы» Аляксандр Зотаў.


Ёнас Дземан. Фота з Twitter-акаўнта Juventus Academy Thailand

Трэніроўку замежны спецыяліст правядзе па праграме УЕФА, накіраванай на развіццё дзіцячага футбола. Ёнас Дземан у Беларусі не ўпершыню, майстар-класы для спартсменаў-пачаткоўцаў ён праводзіў у іншых гарадах нашай краіны. «У Баранавічы ён прыязджае 30 чэрвеня і правядзе ў нас дзве трэніроўкі. Першая будзе ў 10 раніцы, другая для дзяцей старэйшага ўзросту пройдзе ў абед», — расказаў Аляксандр Зотаў.

Урокі майстэрства ад бельгійскага трэнера атрымаюць хлопчыкі 2012-1013 гадоў нараджэння. Займацца яны будуць на штучным газоне на тэрыторыі спарткомплексу «Дубава-спорт». Адна трэніроўка будзе доўжыцца паўтары гадзіны. У асноўным упор будзе зроблены на практыку. Таксама Ёнас Дземан сустрэнецца з трэнерамі, якія працуюць з дзецьмі.

«Бельгійская методыка падрыхтоўкі юных футбалістаў цяпер адна з самых эфектыўных у свеце. Ёнас Дземан — трэнер з больш як 14-гадовым стажам работы з дзецьмі ў Бельгіі і за яе межамі. Ён валодае ліцэнзіяй УЕФА, працаваў у Кітаі, на Філіпінах і ў Тайландзе. Цяпер трэніруе ў бельгійскім клубе. Яго стыль і вопыт пойдуць на карысць нашым дзецям і трэнерам», — упэўнены Аляксандр Зотаў.

Замежнага спецыяліста плануюць азнаёміць са спартыўнай інфраструктурай Баранавіч, у тым ліку абноўленага стадыёна «Лакаматыў».

Выбар рэдакцыі

Калейдаскоп

Шалі — прыемныя навіны, леў — добрыя справы. Усходні гараскоп на наступны тыдзень

Шалі — прыемныя навіны, леў — добрыя справы. Усходні гараскоп на наступны тыдзень

Авен. Панядзелак прынясе вам рамантычны настрой, хаця трэба працаваць

Калейдаскоп

Што вы ведаеце пра беларускае жніво? «Ураджайны» тэст

Што вы ведаеце пра беларускае жніво? «Ураджайны» тэст

Надышоў жнівень — самы ўраджайны, працоўны, смачны час.