У аператыўна-дзяжурную службу Ленінскага РУУС Магілёва з заявай звярнуўся 55-гадовы мужчына. Мясцовы жыхар расказаў, што ў яго быў выкрадзены залаты ланцужок коштам 2000 рублёў. Інцыдэнт адбыўся раніцай у пад’ездзе аднаго з жылых дамоў па праспекце Міра.
Супрацоўнікі аддзела крымінальнага вышуку высветлілі, што чужое ювелірнае ўпрыгожванне з шыі ўладальніка сарваў 44-гадовы нідзе не працуючы, раней ужо неаднаразова судзімы жыхар горада. Аказалася, што мужчыны разам выпівалі ў свайго агульнага прыяцеля, а пад раніцу кампаніяй выйшлі з кватэры на вуліцу: сталі разыходзіцца па дамах. Як паведамляе далейшы ход падзей УУС Магілёўскага аблвыканкама, на першым паверсе адзін з наведвальнікаў раптам падбег да іншага і сарваў з шыі ланцужок, з якім адразу ўцёк.
Чужое ўпрыгожанне ён паспеў перапрадаць, а грошы пачаў марнаваць на сябе.
Зараз у адносінах да мужчыны заведзена крымінальная справа, следчымі дадзена прававая ацэнка.
Сяргей РАСОЛЬКА
Мерапрыемства праводзілася на добраахвотнай аснове.
Не выявіць ні секунды абыякавасці.