Вы тут

​Зямельныя адносіны — па новых правілах


Адно з найбольш важных для насельніцтва пытанняў абмеркавалі падчас закрыцця восьмай сесіі Савета Рэспублікі, якое адбылося ў Гродна.

Законапраект «Аб змяненні кодэксаў» (па пытаннях зямельных адносін і самавольнага будаўніцтва) сенатарамі быў адобраны. Дакумент прадугледжвае змяненне Кодэксу аб зямлі. 


Як паведаміў намеснік старшыні Дзяржаўнага камітэта па маёмасці Мікалай БОБЕР, мэтамі законапраекта з’яўляюцца забеспячэнне спрыяльных умоў землекарыстання ў рэгіёнах, пашырэнне правоў мясцовых органаў улады і землекарыстальнікаў па распараджэнні і выкарыстанні зямельнымі ўчасткамі, развіццё грамадзянскага абароту зямельных участкаў і ўключэнне ў яго нявыкарыстаных земляў, спрашчэнне парадку адабрання і прадастаўлення зямельных участкаў, а таксама аптымізацыя ўмоў прадастаўлення ўчасткаў суб’ектам гаспадарання шматлікіх форм уласнасці.

Праект закона ўтрымлівае тры блокі змяненняў. У прыватнасці, за кіраўніком дзяржавы замацоўваецца вырашэнне фундаментальных пытанняў, якія датычацца выкарыстання сельскагаспадарчых і лясных земляў. Савет Міністраў надзяляецца кампетэнцыяй па ўстанаўленні парадкаў адабрання і прадастаўлення зямельных участкаў, пераводу земляў з адных катэгорый і відаў у іншыя. Карэкціруюцца паўнамоцтвы раённых, гарадскіх выканаўчых камітэтаў.

Нормы законапраекта дадуць магчымасць значнай частцы насельніцтва рэалізаваць свае магчымасці па распараджэнні зямельнымі ўчасткамі, упарадкаваць аб’екты самавольнага будаўніцтва і ў цэлым будуць садзейнічаць развіццю сельскіх тэрыторый. У прыватнасці, павялічваюцца памеры зямельных участкаў, якія прадастаўляюцца грамадзянам у сельскіх населеных пунктах. Акрамя таго, новаўвядзенні дазволяць значнай частцы насельніцтва рэалізаваць свае магчымасці ў пытанні легалізацыі правоў на самавольна заняты зямельны ўчастак, а мясцовыя органы ўлады змогуць вырашыць свае праблемы, якія датычыцца зямельных адносін. У прыватнасці, законапраектам дапускаецца змяняць межы гэтых участкаў без карэкціроўкі праекта арганізацыі тэрыторыі таварыства, што дазволіць скараціць колькасць адміністрацыйных працэдур і лішніх узгадненняў.

— Прэзідэнт неаднаразова звяртаў увагу на тое, што рацыянальнае выкарыстанне зямельных рэсурсаў — фундамент стабільнасці любой дзяржавы, — адзначыў старшыня Пастаяннай камісіі па рэгіянальнай палітыцы і мясцовым самакіраванні Савета Рэспублікі Міхаіл РУСЫ. — Прыняцце праекта закона дазволіць комплексна ўдасканаліць зямельныя адносіны, вырашыць праблемы землекарыстальнікаў, якія назапасіліся, і акажа пазітыўны эфект на сацыяльна-эканамічнае развіццё краіны. 

Вераніка КАНЮТА

Фота БелТА

Выбар рэдакцыі

Грамадства

Талакой за зялёны горад. Ці будуць падтрыманы ініцыятывы жыхароў па азеляненні горада ў конкурсе грамадзянскіх ініцыятыў?

Талакой за зялёны горад. Ці будуць падтрыманы ініцыятывы жыхароў па азеляненні горада ў конкурсе грамадзянскіх ініцыятыў?

Ці будуць падтрыманы ініцыятывы жыхароў па азеляненні горада ў конкурсе грамадзянскіх ініцыятыў?

Здароўе

Асцярожна: ежа! Як папярэдзіць харчовыя атручэнні

Асцярожна: ежа! Як папярэдзіць харчовыя атручэнні

Як папярэдзіць харчовыя атручэнні.

Культура

След Рагнеды і два Менскі. Што «накапалі» археолагі і як гэта змяняе погляд на беларускую гісторыю

След Рагнеды і два Менскі. Што «накапалі» археолагі і як гэта змяняе погляд на беларускую гісторыю

 Што «накапалі» археолагі і як гэта змяняе погляд на беларускую гісторыю.

Грамадства

Прыёмная кампанія: хто штурмаваў ВНУ? Рэкорды і антырэкорды

Прыёмная кампанія: хто штурмаваў ВНУ? Рэкорды і антырэкорды

У БДУ 82 % залічаных на першы курс набралі 300 балаў і больш.