Пацыенткі Гомельскага абласнога клінічнага радзільнага дома, якія сталі маці напярэдадні Дня Незалежнасці, атрымалі знакавыя святочныя падарункі ад абкама БРСМ. Яго актывісты перадалі дваццаці маладым маці адзенне для нованароджаных, кветкі, сувеніры і нацыянальную сімволіку.
— Напярэдадні важнага для краіны дня мы віншуем жанчын, якім давядзецца вырасціць сапраўдных патрыётаў, бо нездарма кажуць, што мала толькі нарадзіць дзіця, не менш важна вырасціць сапраўднага грамадзяніна, — падзялілася першы сакратар Гомельскага абласнога камітэта БРСМ Вераніка Гудкова.
Як распавяла маладзёжны лідар Гомельшчыны, разам з падарункамі для дзіцяці кожнай маладой маці актывісты БРСМ перадалі паштоўкі з пасланнямі для маленькіх грамадзян.
— Спадзяёмся, што мамы захаваюць і перададуць іх дзецям, калі тыя падрастуць і навучацца чытаць. У гэтых паштоўках важныя словы для дзяцей ад нашай моладзі. Верым, што нашае пасланне будзе перададзена, калі прыйдзе час, — дадала першы сакратар.
Акцыя «Падарунак для немаўляці» напярэдадні Дня Незалежнасці прайшла ў радзільных дамах у раёнах Гомельшчыне і абласным цэнтры.
Наталля КАПРЫЛЕНКА
Фота newsgomel. by
Мерапрыемства праводзіцца на добраахвотнай аснове.
Не выявіць ні секунды абыякавасці.