Музеі — тая платформа, дзякуючы якой даносіцца гістарычная праўда. Аб гэтым заявіла сёння журналістам начальнік упраўлення культуры і народнай творчасці Міністэрства культуры Ірына Карповіч, перадае БелТА.
«Музеі аказаліся той платформай, дзякуючы якой мы сёння даносім гістарычную праўду. Практычна ніводнае мерапрыемства ў рэспубліцы не абыходзіцца без іх суправаджэння. Сёлета, напрыклад, музей гісторыі Вялікай Айчыннай вайны рэалізуе праект з перасовачным комплексам: на працягу вясенне-летняга перыяду ён гастраліруе па розных рэгіёнах нашай рэспублікі», — сказала Ірына Карповіч.
Шмат праектаў рэалізуюць і раённыя музеі. «Гучна загучала тэма генацыду ў бягучым годзе, і тут мы ўсе вучымся падаваць інфармацыю, каб не дапусціць скажэння гістарычных фактаў і правільна даносіць нашу гісторыю», — дадала яна.
У апошні час міністэрствы культуры Беларусі і Расіі асабліва цесна ўзаемадзейнічаюць. «Вядзём работу па вяртанні страчаных музейных прадметаў, вывезеных з нашай тэрыторыі ў розныя эпохі. Некалі яны былі выратаваны такім чынам, — адзначыла Ірына Карповіч. — Сёння вялікая колькасць каштоўнасцей знаходзіцца на тэрыторыі Расійскай Федэрацыі, але паколькі гэта дружалюбная для нас краіна, мы вядзём работу па ўсталяванні гэтых фактаў. Даведваемся, дзе знаходзяцца каштоўнасці, якія належалі нашым музеям». Паводле яе слоў, краіны вядуць перагаворы аб вяртанні гэтых прадметаў.
Ірына Карповіч дадала: дзякуючы развіццю тэхналогій сёння шырока выкарыстоўваецца метад атрымання электронных копій экспанатаў. Такім чынам нават ствараюцца і праходзяць выставы. Дарэчы, яны папулярныя сярод наведвальнікаў музеяў.
Мерапрыемства праводзіцца на добраахвотнай аснове.
Не выявіць ні секунды абыякавасці.
