Нам робіць вялікі гонар наяўнасць значнай колькасці творчых асоб, якія праз мастацкае слова прадставілі лёс народа, яго нацыянальныя адметнасці і каштоўнасці. Важна не толькі чытаць іх кнігі, але і прыгадваць іх саміх, людзей аўтарытэтных, магчыма, нават узорных.
На Усходніх могілках у Мінску знайшлі апошні прытулак многія беларускія славутасці. Тут і пахаванні пісьменнікаў, куды неаднаразова прыходзілі нашы літаратары, каб аддаць даніну павагі. Так было і напярэдадні сёлетняга Дня Перамогі, калі кветкі ад СПБ ляглі да помнікаў народных пісьменнікаў Беларусі Васіля Быкава, Івана Шамякіна, Івана Мележа, Аркадзя Куляшова.
І вось чарговае наведванне могілак з тым, каб навесці парадак... Андрэй Александровіч помніцца як адзін з арганізатараў беларускага літаратурна-мастацкага аб’яднання «Маладняк». У далейшым ён — член-карэспандэнт Акадэміі навук Беларускай ССР, член Саюза пісьменнікаў СССР. Успамінаем творы народнага пісьменніка БССР Анатоля Астрэйкі. Гучаць радкі з яго верша «Плошча Перамогі»: «Завецца плошчай Перамогі ў Мінску // Святое месца на зямлі». Сказанае паэтам — на вякі! Іван Сіўцоў — аўтар кнігі для дзяцей «Самыя юныя», рамана «Нягоды і радасці». Кранаюць такія звесткі: «Ваяваў пад Сталінградам, захварэў на сухоты, дэмабілізаваўся, вярнуўся на радзіму ў Чэрыкаўскі раён, працаваў на адказных пасадах». Жыццё Івана Кузьміча абарвалася ў 37 гадоў… Дзмітрый Палітыка належыць да кагорты беларускіх крытыкаў і літаратуразнаўцаў. У другой палове 1950-х быў кiраўнiком секцыі крытыкі Саюза пісьменнікаў Беларусі. У 1960 годзе цяжка захварэў (абвастрэнне сухотаў, на якiя пачаў пакутаваць у час эвакуацыі), але працягваў працу да канца жыцця. Яго не стала ў 1965 годзе.
Як вядома, 3 лістапада 2020 года адбылося перапахаванне беларускага пісьменніка Змітрака Бядулі. Зараз ідзе работа над стварэннем помніка. А пакуль прыбіраем яго магілу і ўяўляем падзеі першай паловы ХХ стагоддзя, калі гэты чалавек сваёй творчасцю садзейнічаў станаўленню розных жанраў беларускай літаратуры.
Пасля навядзення парадку адчулася палёгка. Пра яе згадаў кожны з дзясятка літаратараў Мінскага гарадскога і Мінскага абласнога аддзяленняў СПБ, тых, хто прысвяціў дзень шанаванню памяці папярэднікаў.
Алена СТЭЛЬМАХ
Фота Васіля Кулікова
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!