Вы тут

Беларускі асілак Сяргей Мацкевіч устанавіў новы сусветны рэкорд


Шматразовы чэмпіён і рэкардсмен свету, Еўропы, пераможца чэмпіянатаў і першынстваў Беларусі па гіравым марафоне Сяргей Мацкевіч сёння ўстанавіў новы сусветны рэкорд у гіравым марафоне — на працягу 67 хвілін ён падняў 1100 разоў гіру вагой 24 кг.


Вядомы беларускі асілак прыняў удзел у раённым спартыўным свяце, прымеркаваным да Дня Незалежнасці Беларусі. Акцыя прайшла ў Фрунзенскім раёне Мінска на тэрыторыі СШ № 49 і аб’яднала каманды школ раёна. Для дзяцей была падрыхтавана насычаная забаўляльная праграма, якая ўключала праходжанне квэстаў на спрыт, моц, логіку.

Актыўным удзельнікам свята стала каманда сярэдняй школы № 59. Намеснік дырэктара школы па выхаваўчай рабоце Кацярына ГРЫНЕВІЧ распавяла карэспандэнту «Звязды», што пытанням выхаваўчай работы, арганізацыі адпачынку і аздараўлення навучэнцаў у школе надаецца вялікая ўвага.

«Зараз перыяд школьных канікулаў. І дарослыя — педагогі, выхавальнікі, бацькі — павінны прысвяціць гэтыя дні дзецям. Навучыць іх чаму-небудзь новаму, даць ім адчуць падтрымку і ўдзел. Бо дзеці — наша будучыня. Выхоўваць падрастаючае пакаленне адным толькі словам немагчыма. Неабходна ствараць умовы, пачынаючы ад дзіцячага сада, школы, спартыўнага збудавання, спартыўнай залы і інш. Вось гэта наша задача. Таму, я ўпэўненая, што хлопчыкі і дзяўчынкі з каманды нашай школы, якія сёння паўдзельнічалі ў спартыўным свяце, набылі карысны вопыт каманднай работы, спартыўныя навыкі і, што самае галоўнае, добры настрой і пазітыўныя эмоцыі», — падкрэсліла намеснік дырэктара СШ № 59. 

Госці свята — беларуска-расійскі тандэм у складзе шматразовага чэмпіёна і рэкардсмена свету, Еўропы, пераможцы чэмпіянатаў і першынстваў Беларусі па гіравым марафоне Сяргея Мацкевіча і шматразовага чэмпіёна свету, Еўропы, Расіі, прызёра нацыянальных чэмпіянатаў Аляксея Канарэйкіна — натхнілі арганізатараў на правядзенне конкурсу па падняцці гір сярод навучэнцаў, якія прыйшлі на спартыўнае свята. Перамогу атрымаў вучань СШ № 59 Ягор Навумаў: ён падняў гіру 55 разоў.

Ксенія ДАБРАБЫТ

Фота аўтара

Выбар рэдакцыі

Грамадства

Прыёмная кампанія: хто штурмаваў ВНУ? Рэкорды і антырэкорды

Прыёмная кампанія: хто штурмаваў ВНУ? Рэкорды і антырэкорды

У БДУ 82 % залічаных на першы курс набралі 300 балаў і больш.

Калейдаскоп

Склад для дачніка. Парады ад практыкаў, як лепш захаваць ураджай на зіму

Склад для дачніка. Парады ад практыкаў, як лепш захаваць ураджай на зіму

Парады ад практыкаў, як лепш захаваць ураджай на зіму.