Вы тут

Дзіцячыя пляцоўкі, урачыстае шэсце, канцэрты


«Салют Перамозе», «Сувязь пакаленняў», «Вытокі» — тэматычныя пляцоўкі з гэтымі і іншымі назвамі, прысвячаюцца Вялікай Перамозе. Яны пачалі адкрывацца ў Магілёўскай вобласці яшчэ на мінулым тыдні, але сёння іх зявіцца болей двух дзесяткаў, як мінімум некалькі ў кожным раёне вобласці. Гэта вынік абласнога праекта «Нашчадкам Вялікай Перамогі!»


— Моладзь павінна ведаць гісторыю краіны, з павагай і гонарам адносіцца да сваіх продкаў, на прыкладзе герояў вучыцца мужнасці, — пракаментавалі праект у аблвыканкаме.

Пляцоўкі розныя, у тым ліку з нанясеннем QR-кодаў з інфармацыяй аб асноўных этапах ваенных дзеянняў і элементаў дадатковай рэальнасці.

Па традыцыі ў гэтыя дні ў Магілёве ўручаецца галоўная прэмія гарвыканкама «Дасягненне». Урачыстае мерапрыемства, прысвечанае ўшанаванню герояў працы і сацыяльнай сферы адбылося на стадыёне «Спартак». Сярод тых, хто атрымаў гэтую прэмію кіраўнік Магілёўскага абласнога гісторыка-патрыятычнага пошукавага клуба,ваенны пісьменнік Мікалай Барысенка, дырэктар Магілёўскага камбіната сілікатных вырабаў Аляксей Карпаў, урач анестэзіёлаг-рэаніматолаг Магілёўскай гарадской бальніцы хуткай медыцынскай дапамогі Дзяніс Маркевіч, начальнік аддзела падрыхтоўкі тэлепраграм Тэлерадыёкампаніі «Магілёў» Сняжана Ганчарова. Шчырыя віншаванні ўсім выдатнікам працы! Мора радасці і акіян любові падарылі магіляўчанам зоркі беларускай і расійскай эстрады, ураджэнцы Магілёва і вобласці, сябры горада — Наталля Падольская, Руслан Аляхно, Алена Ланская, Тэа і яго жонка Вольга Рыжыкава, іншыя музыканты.

Сёння з раніцы магіляўчане віталі ўдзельнікаў вялікага шэсця-парада «У Магілёў прыходзіць свята!» Прадстаўнікі працоўных калектываў прайшлі па вуліцы Першамайскай пад захопленыя выкрыкі гледачоў.

На пешаходнай вуліцы Ленінскай-Вялікай Садовай настрой ствараюць разнастайныя лакацыі, дзе можна паспрабаваць сябе ў ролі мастака, набыць сувеніры, зрабіць фота на памяць у крэатыўна аформленай фотазоне.

У гонар яшчэ аднаго заслужанага працаўніка Магілёва — Вікенція Ермалёнка, дырэктара прадпрыемства «Мажаліт», сёння ў Магілёве адкрылася памятная зорка на плошчы Зорак. У горадзе адначасова праходзяць спартыўныя святы, прэзентацыі, выэставы. У сённяшняй праграме шмат розных канцэртаў, у тым ліку з удзелам калектываў з Расіі, тэатралізаваныя экскурсіі, фестываль фарбаў і святочны феерверк пад назвай «З Днём народзінаў, Магілёў!»

Нэлі ЗІГУЛЯ

Фота аўтара

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.