Кожны малады чалавек павінен ведаць вехі станаўлення нашай дзяржаўнасці, заявіў у эфіры тэлеканала «Беларусь 1» міністр адукацыі Андрэй Іванец, паведамляе БелТА.
«Безумоўна, патрыятычнае выхаванне займае асаблівае месца ў сістэме адукацыі. У гэтай сувязі, вядома, мы робім крокі наперад. Прынята рашэнне, якое дазволіць павысіць эфектыўнасць патрыятычнага выхавання праз павагу да дзяржаўных сімвалаў, выкананне дзяржаўнага гімна, урачыстае ўзняцце дзяржаўнага сцяга», — сказаў Андрэй Іванец.
Паводле яго слоў, у адукацыйны працэс укараняюцца інфармацыйныя матэрыялы, перададзеныя Генпракуратурай у выніку расследавання крымінальнай справы аб генацыдзе беларускага народа ў гады ВАВ. «Яны таксама будуць дадатковымі стымуламі, матывацыяй для школьнікаў пры вывучэнні факультатыва па гісторыі Вялікай Айчыннай вайны, — адзначыў міністр. — Сур’ёзным крокам у патрыятычным выхаванні стане і тое, што з 1 верасня гэтага года ва ўсіх універсітэтах студэнты 1-2-х курсаў будуць вывучаць курс гісторыі беларускай дзяржаўнасці. Таму што кожны малады чалавек павінен не проста ведаць гісторыю сваёй краіны, ён павінен ведаць вехі станаўлення нашай дзяржаўнасці, незалежнай, суверэннай і квітнеючай Беларусі».
Прэв’ю: БелТА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».