Вы тут

Лукашэнка: Стваральная культура дае натхненне для развіцця асобы і краіны


Прэзідэнт Беларусі Аляксандр Лукашэнка ўручыў дзяржаўныя ўзнагароды работнікам культуры. Урачыстая цырымонія адбылася ў Дзень Незалежнасці ў Нацыянальным акадэмічным Вялікім тэатры оперы і балета, перадае БелТА.


Кіраўнік дзяржавы ўзнагародзіў ордэнам Францыска Скарыны прафесара кафедры музычнай педагогікі, гісторыі і тэорыі выканальніцкага мастацтва Беларускай дзяржаўнай акадэміі музыкі Вадзіма Яканюка, медалём Францыска Скарыны — дырэктара Магілёўскага абласнога тэатра лялек Уладзіміра Андрэенкі.

Прэзідэнт уручыў нагрудныя знакі да ганаровых званняў «Заслужаны дзеяч культуры» — мастаку-скульптару прафесару кафедры скульптуры Беларускай дзяржаўнай акадэміі мастацтваў Аляксандру Фінскаму, «Заслужаны артыст» — артысту балета Дзяржаўнага акадэмічнага ансамбля танца Аляксандра Глазко, мастацкага кіраўніка Музычнага прадзюсарскага цэнтра «Залатыя галасы» Валерыю Шмату і вядучаму майстру сцэны Нацыянальнага акадэмічнага драматычнага тэатра імя М. Горкага Руслану Чарнецкаму. Нагрудны знак да ганаровага звання народнага артыста Беларусі ўручаны артысту балета (салісту) — вядучаму майстру сцэны Нацыянальнага акадэмічнага Вялікага тэатра оперы і балета Антону Краўчанку і артысту драмы, вядучаму майстру сцэны Нацыянальнага акадэмічнага тэатра імя Янкі Купалы Тамары Міронавай.

Стваральная культура дае натхненне для развіцця асобы і краіны

Прэзідэнт звярнуў увагу, што цырымонія праходзіць у Дзень Незалежнасці і такім чынам у краіне зараджаецца новая традыцыя — у гэтае важнае свята ўручаць высокія дзяржаўныя ўзнагароды дзеячам мастацтваў.

«Напярэдадні свята і сёння мы шмат гаварылі аб Вялікай Айчыннай вайне, нашым маральным абавязку перад пакаленнем пераможцаў, якое падарыла нам жыццё, — заўважыў Аляксандр Лукашэнка. — Дзень незалежнасці не толькі погляд у мінулае, але і арыенцір у будучыню краіны. І гэту будучыню вы ствараеце сваёй творчасцю».

Дзейнасць работнікаў культуры патрэбная дзяржаве і людзям як паветра, упэўнены Прэзідэнт: «Таму што без вас, яркіх, паспяховых і таленавітых, жыццё бясколернае і, самае страшнае, бездухоўнае. А там, дзе няма стваральнай культуры, у людзей ніколі не будзе натхнення на развіццё. Не толькі асабістае, але і глабальнае — развіццё ўсёй краіны».

«Беларусы адчулі гэта на ўласным вопыце, калі ў 1990-е кіраўнікі крычалі аб „нацыянальна-культурным адраджэнні“, а помнікі архітэктуры, тэатры і музеі развальваліся, будзем шчырыя, на вачах у некаторых цяперашніх творчых работнікаў, — працягнуў кіраўнік дзяржавы. — У кінатэатрах адкрываліся аўтасалоны і казіно. Творчыя людзі сталі нікому не патрэбныя. Краіна проста кацілася ў прорву».

Прэзідэнт падкрэсліў, што ўсё, чым сёння па праве ганарацца беларусы, — тэатры і амфітэатры, замкі і сядзібы, музеі і мемарыяльныя комплексы, творчыя майстэрні і выставачныя цэнтры — створана за чвэрць стагоддзя. «Я больш скажу: за такі кароткі час мы фактычна адрадзілі тое, што страчвалі вякамі, — заявіў Аляксандр Лукашэнка. — Гэта стала магчыма дзякуючы вам, людзям культуры — крэатыўным, адданым сваёй прафесіі, дзяржаўна думаючым. Тое, што вы зрабілі, і тое, што ствараеце сёння, застанецца ў гісторыі. І шмат у чым ад вас залежыць, якой яна будзе гэтая гісторыя нашай маладой незалежнай Рэспублікі. Ад вас залежыць, ці працягнуць у будучыні беларусы гэтак жа ганарыцца сваёй краінай, сваім мінулым. Ці застанецца Беларусь самабытнай і вядомай у свеце, дзе на нашых вачах сціраюцца грані паміж нацыянальнымі культурамі. А галоўнае, што сёння асабліва актуальна, ці захаваем мы нашу ўнікальную нацыянальную асаблівасць — маральную чысціню».

Аляксандр Лукашэнка падкрэсліў, што ўсё гэта — базавыя каштоўнасці, на якіх будуецца незалежная дзяржава.

«Я хачу падзякаваць тых, хто ўсведамляе сваю адказнасць. Менавіта вашыя поспехі і дасягненні далі нагоду для гэтай сустрэчы. Я з велізарным задавальненнем віншую вас з дзяржаўным святам — Днём незалежнасці Беларусі і заслужанымі ўзнагародамі. Хацеў бы пажадаць вам моцнага здароўя, творчага натхнення і новых аўтарскіх праектаў. Вельмі хацеў бы, каб наша традыцыя працягнулася. Будуць творчыя поспехі — будзе каго ўзнагароджваць, а значыць, будзе падстава і прычына для сустрэчы. Са святам вас. Дзякуй усім, хто ў гэтыя бурныя паслярэвалюцыйныя 2020-га года часы застаўся ў Беларусі і дорыць свайму народу радасць і шчасце», — сказаў прэзідэнт.

Кіраўнік дзяржавы ўручыў ордэны, медалі і нагрудныя знакі да ганаровых званняў работнікам культуры. Пасля цырымоніі святочны вечар працягнуўся гала-канцэртам «Музыка, мастацтва i культура Беларусі ў вобразах, пачуццях i натхненнях Вялікага тэатра!» Традыцыя праводзіць у Дзень незалежнасці такія маштабныя паказы з удзелам лепшых артыстаў оперы, балета і аркестра зарадзілася ў Вялікім тэатры Беларусі летась. Са сцэны гучалі лепшыя твор сусветнага опернага мастацтва, сярод якіх фрагменты з опер «Яўген Анегін», «Травіята», «Рамэа і Джульета», а таксама былі паказаны тэматычныя харэаграфічныя кампазіцыі.

Фота: БелТА

Выбар рэдакцыі

У свеце

Цугцванг па-варшаўску. Куды рушаць польскія ўлады?

Цугцванг па-варшаўску. Куды рушаць польскія ўлады?

Самыя важныя выклікі, з якімі палякам давядзецца сутыкнуцца ўжо адразу пасля летніх канікулаў, — гэта энергетычны крызіс, высокія працэнтныя стаўкі і будучы эканамічны спад.

Грамадства

Талакой за зялёны горад. Ці будуць падтрыманы ініцыятывы жыхароў па азеляненні горада ў конкурсе грамадзянскіх ініцыятыў?

Талакой за зялёны горад. Ці будуць падтрыманы ініцыятывы жыхароў па азеляненні горада ў конкурсе грамадзянскіх ініцыятыў?

Ці будуць падтрыманы ініцыятывы жыхароў па азеляненні горада ў конкурсе грамадзянскіх ініцыятыў?