Пракуратура Лунінецкага раёна накіравала ў суд крымінальную справу паводле абвінавачвання 45-гадовай жанчыны ў махлярстве, паведамляе БелТА.
Фігурантка з 1 па 11 студзеня «адзначылася» у Старадарожскім раёне Мінскай вобласці, Пінскім і Баранавіцкім раёнах Брэсцкай вобласці. Напрыклад, пад падставай продажу коўдраў жанчына скрала Br256 у 77-гадовай пенсіянеркі. Па такой жа схеме абвінавачаная падманула яшчэ трох пажылых людзей: прапаноўвала прадаць дровы, залатыя вырабы, збірала грошы для патрэб царквы. Выконваць абавязкі жанчына не збіралася. Сума шкоды перавысіла Br2 тыс.
Была ўзбуджана крымінальная справа па ч. 1 і ч. 2 арт. 209 (махлярства) КК. Вывучыўшы матэрыялы крымінальнай справы, у пракуратуры Лунінецкага раёна прыйшлі да высновы аб поўным і аб’ектыўным даследаванні абставінаў злачынстваў. Жанчына застаецца заключанай пад варту.
Прэв’ю: pixabay.com
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
