У міліцыю звярнулася жыхарка Барані, якая паведаміла, што калі прыйшла ў госці да сваёй 56-гадовай знаёмай, то знайшла яе труп. На месца здарэння выбылі праваахоўнікі Аршанскага РУУС.
Міліцыянеры пры дапамозе судмедэксперта ўстанавілі, што забойства было ўчынена з асаблівай жорсткасцю: на целе ахвяры ў вобласці грудзей і шыі былі знойдзены амаль 60 нажавых раненняў, паведамляе падрабязнасці жудаснага здарэння УУС Віцебскага аблвыканкама.
Менш чым праз некалькі гадзін праваахоўнікам удалося ўстанавіць падазраванага ў гэтым злачынстве. Ім аказаўся непрацуючы сын забітай жанчыны. Паводле папярэдняй версіі, 28-гадовы мужчына зайшоў у дом маці, дзе паміж імі ўзнікла невялікая спрэчка. Пасля чаго як распавёў падазраваны, ён ужо не кантраляваў свае дзеянні.
Пасля здзяйснення забойства ён забраў з сабой некалькі нажоў, якімі забіваў маці і сышоў у горад. Мужчыну затрымалі супрацоўнікі Аршанскага РУУС. Неўзабаве былі знойдзены і прылады злачынства. На падазраванага пачалі крымінальную справу.
Сяргей РАСОЛЬКА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
