Вы тут

Лукашэнка: страта збожжа на палях будзе расцэньвацца сама меней як эканамічная дыверсія


Сёлетняя ўборачная кампанія павінна прайсці на самым высокім узроўні арганізацыі і дысцыпліны. Аб гэтым Прэзідэнт Беларусі Аляксандр Лукашэнка заявіў на нарадзе з кіраўніцтвам Савета Міністраў. На мерапрыемства былі запрошаны і губернатары, каб абмеркаваць ход уборачнай кампаніі, якая пачалася, перадае БелТА.


«Шмат разоў адзначаў: сітуацыя на харчовым рынку — гэта шанц добра зарабіць. Таму сёлетняя ўборачная кампанія павінна прайсці на самым высокім узроўні арганізацыі і дысцыпліны», — паставіў задачу кіраўнік дзяржавы.

Аляксандр Лукашэнка нагадаў пра нядаўнюю размову ў ходзе яго рабочай паездкі ў Аршанскі раён: недапушчальна страціць тэмпы нарыхтоўкі кармоў як трывалай базы жывёлагадоўлі. «Маецца на ўвазе перш за ўсё нармальны другі ўкос траў. Гэта я ведаю са сваёй практыкі. Я цяпер назіраю, і пачаў касіць травы на фактычна нязручных землях, на пясках. І травы нядрэнныя. А на нармальных глебах наогул выдатны другі ўкос. Па-сялянску скажу: памрыце, але збярыце гэтыя травы, загарніце ў плёнку або пакладзіце ў траншэю, калі вы хочаце, каб было чым зімой карміць жывёлу», — растлумачыў кіраўнік дзяржавы.

«Якасць уборкі збожжавых каласавых, рапсу, кукурузы павінна быць узорнай! Усе пытанні вырашаны. Паліва, тэхніка, угнаенні. Усё ёсць. Далей пачынайце варушыцца. І не хадзіце следам з працягнутай рукой. Я папярэджваю губернатараў, — сказаў Прэзідэнт. — За якасцю ўборкі жалезабетонны кантроль. Мінсельгасхарч і іншыя кантралёры».

«Страты недапушчальны. Мільён тон страт, вы разумееце, колькі сёння гэта грошай. Вы паўмільярда долараў можаце зарабіць. Мы такую дапамогу вёсцы не аказваем, колькі вы страчваеце на палях, асабліва па рапсе. Трэба адрэгуляваць камбайны такім чынам, каб не страціць рапс. Гэта велізарныя грошы», — падкрэсліў кіраўнік дзяржавы.

Ён жорстка папярэдзіў: «Страта збожжа на палях будзе расцэньвацца сама меней як эканамічная дыверсія, сама больш — як злачынства. Хопіць жартаваць».

Аляксандр Лукашэнка запатрабаваў, каб кадры на месцах былі мабілізаваны на 100 працэнтаў: «Ніякай расхлябанасці і ашуканства. Поўная зладжанасць і парадак. Падкрэсліваю, па законах ваеннага часу. Ідзе гібрыдная вайна. СМІ, дыпламатыя, фінансы, эканоміка — усё задзейнічана. І правакацыі ваенныя пачаліся. Мабілізуйцеся. Будзе ў засеках што — любую вайну вытрымаем, не дай бог, вядома. Таму пераканаўча вас прашу, каб не мець непрыемных размоў у далейшым. З наступнага тыдня ўсе павінны пачаць уборку ўраджаю».

Прэв’ю: БелТА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».