Вы тут

Бельская: Структурам ААН трэба рашуча рэагаваць на дыскрымінацыю рускамоўных грамадзян у ЕС


Пастаянны прадстаўнік Рэспублікі Беларусь пры аддзяленні ААН у Жэневе Ларыса Бельская ў час 50-й сесіі Савета па правах чалавека прыняла ўдзел у дыскусіі са спецыяльным дакладчыкам па сучасных формах расізму, паведамляе БелТА са спасылкай на рэс-службу Міністэрства замежных спраў.


Беларускі дыпламат прыцягнула ўвагу да маштабнай дыскрымінацыі ў краінах ЕС рускамоўных грамадзян, уключаючы беларусаў, у розных сферах жыццядзейнасці — у перамяшчэнні, адукацыі, культуры, спорце, ахове здароўя, фінансах. Яна адзначыла, што заахвочванне русафобіі і санкцыйная апантанасць заходніх палітыкаў садзейнічаюць распальванню міжцывілізацыйнага канфлікту ў Еўропе.

Ларыса Бельская звярнула ўвагу спецдакладчыка на тое, што ў шэрагу заходніх і іншых краін названыя працэсу развіваюцца пры небяспечнай падтрымцы на дзяржаўным узроўні дзейнасці ваенізаваных груп, якія прапаведуюць міжнацыянальную і расавую нянавісць, ідэалогію неанацызму.

«Беларусь заклікала спецдакладчыка аб’ектыўна і непрадузята ацэньваць гэтыя працэсы і самым рашучым чынам рэагаваць на факты дыскрымінацыі беларусаў і рускіх, дабівацца аднаўлення іх правоў», — падкрэслілі ў МЗС.

Беларуская дэлегацыя запрасіла савет азнаёміцца з чарговым дакладам МЗС па найбольш рэзанансных выпадках парушэнняў правоў чалавека ў асобных краінах свету, які быў апублікаваны напярэдадні.

Прэв’ю: БелТА

Выбар рэдакцыі

Грамадства

«Падчас работы думаеш пра тое, каб больш сабраць». Буякі заваёўваюць папулярнасць ў Гродзенскім раёне

«Падчас работы думаеш пра тое, каб больш сабраць». Буякі заваёўваюць папулярнасць ў Гродзенскім раёне

Яшчэ гадоў 10-15 назад салодкія садовыя буякі можна было лічыць далікатэсам.

Калейдаскоп

Схаваныя праваслаўныя жамчужыны Беларусі. Зможаце знайсці іх усе? Тэст

Схаваныя праваслаўныя жамчужыны Беларусі. Зможаце знайсці іх усе? Тэст

У 2022 годзе адзначаецца 1030-годдзе Полацкай епархіі.