Вы тут

У Вялікабрытаніі два міністры аб’явілі аб адстаўцы з-за страты даверу да Джонсана


Два брытанскія міністры заявілі аб сыходзе са сваіх пастоў з-за нязгоды з метадамі працы дзейнага прэм’ера Вялікабрытаніі Борыса Джонсана. Размова ідзе аб кіраўніках Мінфіна і Міністэрства аховы здароўя Рышы Сунаке і Саджыдзе Джавідзе, паведамляе радио Sputnik.


Так, міністр фінансаў Рышы Сунак у сваім акаўнце ў Twitter адзначыў, што падданыя Злучанага Каралеўства жадаюць быць упэўненымі, што іх краінай кіруе кампетэнтны і сур’ёзны ўрад. Сунак адзначыў, што гатовы змагацца за гэтыя стандарты, таму і вырашыў пакінуць сваю пасаду.

Між тым Саджыд Джавід паведаміў, што рашэнне сыйсці з пасады кіраўніка Міністэрства аховы здароўя прыняў з-за страты даверу да Борыса Джонсана.

Кіраўнік апарата брытанскага прэм’ер-міністра Борыса Джонсана Стыў Барклай прызначаны новым міністрам аховы здароўя.

Былы міністр адукацыі Вялікабрытаніі Надім Захаві прызначаны кіраўніком міністэрства фінансаў.

У мінулым месяцы разглядалася пытанне вынясення вотуму недаверу Джонсану. Аднак тады большасць сяброў кіруючай Кансерватыўнай партыі вырашылі падтрымаць прэм’ера.

Прэв’ю: pixabay.com

Выбар рэдакцыі

Калейдаскоп

Шалі — прыемныя навіны, леў — добрыя справы. Усходні гараскоп на наступны тыдзень

Шалі — прыемныя навіны, леў — добрыя справы. Усходні гараскоп на наступны тыдзень

Авен. Панядзелак прынясе вам рамантычны настрой, хаця трэба працаваць

Калейдаскоп

Што вы ведаеце пра беларускае жніво? «Ураджайны» тэст

Што вы ведаеце пра беларускае жніво? «Ураджайны» тэст

Надышоў жнівень — самы ўраджайны, працоўны, смачны час.