Тэставыя таргі агульнага біржавога рынку тавараў Еўразійскага эканамічнага саюза пройдуць на Беларускай універсальнай таварнай біржы (БУТБ) 21 ліпеня. Аб гэтым паведаміла сёння на брыфінгу афіцыйны прадстаўнік Еўразійскай эканамічнай камісіі Ія Малкіна, перадае БелТА.
«Вызначана дата правядзення тэставых таргоў у рамках фарміравання агульнага біржавога рынку тавараў ЕАЭС, — сказала Ія Малкіна. — Таргі пройдуць 21 ліпеня на Беларускай універсальнай таварнай біржы, на продаж будзе выстаўлена рапсавы алей. Да ўдзелу будуць запрошаны прадстаўнікі ўсіх краін саюза. Правядзенне тэставых таргоў дазволіць змадэляваць і адпрацаваць умовы гандлю ў рамках агульнага біржавога рынку тавараў ЕАЭС».
Афіцыйны прадстаўнік ЕЭК нагадала, што фарміраванне агульнага біржавога таварнага рынку ЕАЭС прадугледжана стратэгіяй развіцця еўразійскай эканамічнай інтэграцыі да 2025 года. «Праграму развіцця біржавога гандлю таварамі плануецца зацвердзіць да 31 снежня 2024 года», — дадала яна.
Прэв’ю: БелТА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
