Вы тут

Золатавалютныя рэзервы ў Беларусі за чэрвень выраслі на 1,3% да $7,5 млрд


Міжнародныя рэзервовыя актывы Беларусі на 1 ліпеня 2022 года, паводле папярэдніх звестак, склалі $ 7 506,2 млн у эквіваленце, паведамляе БелТА са спасылкай на ўпраўленне інфармацыі і грамадскіх сувязяў Нацыянальнага банка.


За чэрвень золатавалютныя рэзервы выраслі на $ 96,6 млн (на 1,3%) пасля зніжэння ў маі на $351,5 млн (на 4,5%).

«Пры гэтым у чэрвені ўрадам выканана знешніх і ўнутраных абавязацельстваў у замежнай валюце на суму каля $ 210 млн у эквіваленце.

Акрамя таго, негатыўны ўплыў на паказчык міжнародных рэзервовых актываў аказала пераацэнка манетарнага золата і спецыяльных правоў запазычання Міжнароднага валютнага фонду», — адзначылі ў Нацбанку.

Падтрыманню ўзроўню золатавалютных рэзерваў спрыяла купля Нацыянальным банкам замежнай валюты на таргах Беларускай валютна-фондавай біржы.

Згодна з асноўнымі кірункамі грашова-крэдытнай палітыкі на 2022 год аб’ём міжнародных рэзервовых актываў на 1 студзеня 2023 года павінен скласці не менш як $ 7 млрд.

Прэв’ю: БелТА

Выбар рэдакцыі

Калейдаскоп

Схаваныя праваслаўныя жамчужыны Беларусі. Зможаце знайсці іх усе? Тэст

Схаваныя праваслаўныя жамчужыны Беларусі. Зможаце знайсці іх усе? Тэст

У 2022 годзе адзначаецца 1030-годдзе Полацкай епархіі.