Захад баяўся выступу дэлегацыі Беларусі на ПА АБСЕ, заявіў журналістам старшыня Пастаяннай камісіі па міжнародных справах Палаты прадстаўнікоў, кіраўнік дэлегацыі Нацыянальнага сходу Рэспублікі Беларусь у ПА АБСЕ Андрэй Савіных па выніках 29-й штогадовай сесіі ПА АБСЕ ў Бірмінгеме (Вялікабрытанія), перадае БелТА.
«Учора завяршылася 29-я сесія Парламенцкай асамблеі АБСЕ, на якой была прынятая Бірмінгемская дэкларацыя. У гэтым кантэксце мы хацелі б звярнуць увагу на некалькі важных абставінаў, якія характарызавалі правядзенне гэтага мерапрыемства. 29-я сесія прайшла без удзелу расійскай і беларускай дэлегацый, — сказаў Андрэй Савіных. — Адхіліўшы дэлегацыі Расіі і Беларусі ад удзелу ў летняй сесіі, прадстаўнікі краін калектыўнага Захаду хацелі забяспечыць сабе не проста блокавае дамінаванне падчас сесіі. Яны таксама хацелі сфармаваць хор аднадумцаў, асцерагаліся, што выступы дэлегацыі Беларусі, заснаваныя на логіцы, відавочных фактах і здаровым сэнсе, могуць разбурыць эмацыйна дэструктыўную атмасферу, мэтанакіравана ствараную на гэтых пасяджэннях».
Старшыня Пастаяннай камісіі па міжнародных справах Палаты прадстаўнікоў таксама акцэнтаваў увагу на тое, што ПА АБСЕ перастала быць пляцоўкай для адкрытага, раўнапраўнага, інклюзіўнага дыялогу.
«Парламенцкая асамблея АБСЕ перастала быць пляцоўкай для адкрытага, раўнапраўнага, інклюзіўнага дыялогу», — сказаў Андрэй Савіных.
Як паведамлялася, беларускай дэлегацыі было адмоўлена ў візе для ўдзелу ў летняй сесіі Парламенцкай асамблеі АБСЕ.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
