Вы тут

Магілёўская абласная бібліятэка імя В.Леніна правяла тыдзень цікавых фактаў з біяграфіі Я.Купалы


Магілёўская абласная бібліятэка імя В.Леніна правяла тыдзень цікавых фактаў з біяграфіі Я.Купалы.


Сёння, у дзень народзінаў вялікага беларускага класіка па старому стылю, іх можна пачытаць на сайце бібліятэкі ў раздзеле «Навіны» усе адразу.

З 1 ліпеня на працягу тыдня кожны дзень праходзіў пад знакам аднаго з фактаў. Яны сапраўды цікавыя, а камусьці, напэўна, нават малавядомыя. Тут жа можна ўбачыць рэдкія фота Янкі Купалы і відэа з літаратурна-песеннымі кампазіцыямі па творах паэта. 

— Праектам «З Купалам у сэрцы» Магілёўская абласная бібліятэка адкрыла юбілейны купалаўскі год, — адзначыла намеснік дырэктара абласной бібліятэкі Вольга Чумакова. — Гэта своеасаблівая даніна памяці і ўдзячнай павагі слыннаму песняру Беларусі. Яго паэзія – гэта невычарпальны свет пачуццяў, эмоцый, глыбокіх разважанняў і перажыванняў. 

Бібліятэка нагадвае, што працягваецца абласны конкурс «Зямлі вялікай галасы» на лепшае чытанне твораў Я. Купалы і Я. Коласа, прысвечаны 140-годдзю са дня нараджэння класікаў беларускай літаратуры. У ім могуць прыняць удзел людзі з інваліднасцю па зроку.

Мэта конкурсу — папулярызацыя літаратурнай спадчыны класікаў беларускай літаратуры, павышэнне творчай актыўнасці, мастацкага ўзроўню, выканальніцкага майстэрства і сцэнічнай культуры людзей з абмежаванымі магчымасцямі.

Нэлі ЗІГУЛЯ

Прэв’ю: pixabay.com

Выбар рэдакцыі

Калейдаскоп

Шалі — прыемныя навіны, леў — добрыя справы. Усходні гараскоп на наступны тыдзень

Шалі — прыемныя навіны, леў — добрыя справы. Усходні гараскоп на наступны тыдзень

Авен. Панядзелак прынясе вам рамантычны настрой, хаця трэба працаваць

Калейдаскоп

Што вы ведаеце пра беларускае жніво? «Ураджайны» тэст

Што вы ведаеце пра беларускае жніво? «Ураджайны» тэст

Надышоў жнівень — самы ўраджайны, працоўны, смачны час.