Прэм’ер-міністр Вялікабрытаніі Борыс Джонсан пайшоў у адстаўку

Прэм’ер-міністр Вялікабрытаніі Борыс Джонсан аб’явіў, што сыходзіць у адстаўку, паведамляе РИА Новости.

У апошнія дні ў Вялікабрытаніі выліўся ўрадавы крызіс — за два дні кабінет міністраў пакінулі больш за 50 чалавек, у тым ліку кіраўнікі такіх ключавых ведамстваў, як Мінфін і Міністэрства аховы здароўя. Яны заявілі аб недаверы да Джонсана і нязгодзе з яго метадамі кіраўніцтва.

Прычынай для гэтага стаў скандал вакол былога намесніка кіраўніка МЗС па справах Еўропы і ЗША Крыстафера Пінчара, які зладзіў п’яны дэбош у адным з лонданскіх клубаў. Прычым некалькі гадоў таму яго ўжо абвінавачвалі ў сэксуальных дамаганнях. Некаторыя палітыкі сцвярджаюць, што Джонсан ведаў аб небездакорным мінулым Пінчара, але ўсё роўна прызначыў яго на пасаду намесніка каардынатара парламенцкай фракцыі кансерватараў.

Прэв’ю: pixabay.com