Праўленнем Нацыянальнага банка нашай краіны прынята рашэнне аб уключэнні з 15 ліпеня кітайскага юаня ў пералік валют, якія ўваходзяць у склад кошыка замежных валют. Такім чынам, цяпер устанаўліваецца наступны ўзровень вагі валют пры разліку кошту кошыка: для расійскага рубля — 50 %, долара ЗША — 30 %, еўра — 10 %, кітайскага юаня — 10 %.
У прэс-службе Нацбанка падкрэслілі, што пры прыняцці гэтага рашэння ўлічвалася змяненне ў 2022 годзе структуры знешнеэканамічных патокаў і аб’ёмаў таргоў названымі валютамі ў ААТ «Беларуская валютна-фондавая біржа».
З улікам ўключэння кітайскага юаня ў кошык замежных валют афіцыйны курс беларускага рубля да кітайскага юаня, як і да долара ЗША, еўра і расийскага рубля, будзе ўстанаўлівацца па выніках таргоў у ААТ «Беларуская валютна-фондавая біржа».
Сяргей КУРКАЧ
Прэв’ю: БелТА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.