Вы тут

Клопаты літаратараў


У фарматах анлайн і афлайн адбылося пасяджэнне Прэзідыума Саюза пісьменнікаў Беларусі. 


Пачалася сустрэча з віншавання Мікалая Чаргінца з прысваеннем звання «Народны пісьменнік Беларусі». Пасля чаго Ганаровы старшыня СПБ уручыў пасведчанні літаратарам, нядаўна прынятым у шэрагі суполкі. 

Першым пытаннем разглядаўся прыём у члены Саюза пісьменнікаў Беларусі. Прысутныя адзінагалосна падтрымалі ўступленне ў арганізацыю Аляксандра Радзькова і Вольгі Рацэвіч. Зацвярджэнне камісій па літаратурнай спадчыне Міколы Мятліцкага і Міколы Калінковіча стала працягам работы Прэзідыума. Дакладчыкам па першай з іх выступіў Міхась Пазнякоў, які агучыў асноўныя моманты ў рабоце камісіі, а таксама прозвішчы тых, хто будзе працаваць у яе складзе. Старшынёй зацвердзілі Міхася Пазнякова. Аднымі з першых мерапрыемстваў у планах па ўшанаванні памяці паэта ён назваў усталяванне мемарыяльнай дошкі на вуліцы Каліноўскага, дзе жыў М. Мятліцкі; правядзенне вечара яго памяці; унясенне прапановы аб наданні імя паэта адной з вуліц Хойнікаў, яго малой радзімы, і адной з бібліятэк гэтага горада або Хойніцкага раёна; заснаванне паэтычнага конкурсу імя М. Мятліцкага.

Старшыня Брэсцкага абласнога аддзялення Саюза пісьменнікаў Беларусі Таццяна Дземідовіч выступіла як дакладчык па мемарыялізацыі творчай спадчыны Міколы Калінковіча. Яна зазначыла, што Брэсцкае абласное аддзяленне падтрымала ініцыятыву краязнаўцы Таццяны Канапацкай. У якасці старшыні камісіі прапанавалі Сяргея Трахімёнка, сакратара — Таццяну Канапацкую. Быў агучаны грунтоўны план мерапрыемстваў. 

З мэтай кансалідацыі творчай моладзі для больш плённай і эфектыўнай работы па папулярызацыі сучаснай беларускай літаратуры была вынесена прапанова стварыць пры грамадскім аб’яднанні Савет па рабоце з моладдзю, які ўзначаліць пісьменніца Ганна Чыж-Літаш. 

Адбыліся таксама выбары кіраўнікоў секцый паэзіі, прозы і мастацкага перакладу. Імі сталі адпаведна Віктар Шніп, Алесь Бадак і Іван Чарота.

Мая РЫСЬ

 

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.