Вы тут

Усё аб асноўнай і паўторнай вакцынацыі ад COVID-19 у Мінску


У Мінску працягваецца вакцынацыя насельніцтва супраць інфекцыі COVID-19, таксама актыўна ажыццяўляецца бустэрная вакцынацыя, паведамляецца на сайце Мінскага гарадскога цэнтра гігіены і эпідэміялогіі.


Па стане на 14 ліпеня ў сталіцы адну дозу вакцыны атрымалі больш за 1,3 млн. чалавек, з якіх каля 1,27 млн. завяршылі вакцынацыю. Бустэрную вакцынацыю зрабілі больш за 161 тыс. чалавек старэйшыя за 18 гадоў. Сярод дзяцей і падлеткаў 12-17 гадоў адну дозу вакцыны атрымалі больш за 13 тыс. чалавек, з іх больш за 11 тыс. завяршылі курс вакцынацыі.

Фота БелТА

«На сённяшні дзень вакцынацыя з’яўляецца адным з найбольш эфектыўных і бяспечных сродкаў абароны і прафілактыкі захворвання каранавіруснай інфекцыяй, паколькі яна памяншае верагоднасць цяжкай формы захворвання і зніжае хуткасць перадачы віруса сярод насельніцтва», — упэўненыя медыкі.

Па дадзеных, у асоб, якія прайшлі вакцынацыю супраць COVID-19, адсутнічаюць цяжкія формы захворвання і клінічная сімптаматыка, у тым ліку, у выніку інфікавання варыянтамі Амікрон.

Імунізацыя насельніцтва супраць інфекцыі COVID-19 праводзіцца на бясплатнай аснове. Выкарыстоўваюцца вакцыны «Гам-Ковід-Вак» (Спадарожнік Ві) і «Спадарожнік Лайт» вытворчасці Расійскай Федэрацыі, «Vero cell» вытворчасці Кітайскай Народнай Рэспублікі. «Важна, што вакцыны, якія прымяняюцца, раўназначна забяспечваюць выпрацоўку эфектыўнага імунітэту, які папярэджвае ўзнікненне цяжкіх выпадкаў захворвання інфекцыяй COVID-19, а таксама смяротны зыход.

Вакцына «Гам-Ковід-Вак» (Спадарожнік Ві) — камбінаваная вектарная вакцына, якая складаецца з двух кампанентаў: кампанент І і кампанент ІІ (на аснове адэнавірусаў чалавека 26 і 5 сератыпаў, якія нясуць ген бялку S-віруса SARS-CoV-2).

Вакцына «Спадарожнік Лайт» — аднакампанентная вектарная вакцына, з’яўляецца першым кампанентам вакцыны «Спадарожнік Ві».

Вакцына «Vero Cell» — інактываваная вакцына, вырабляецца на аснове суцэльнага (інактываванага, забітага) каранавіруса SARS-CoV-2.

У Мінску сярод насельніцтва працягвае ажыццяўляцца як асноўная (першасная) вакцынацыя, так і паўторная (бустерная).

Медыкі папярэджваюць: імунітэт, які сфармаваўся ў ходзе перанесенага захворвання або першаснай вакцынацыі супраць COVID-19, незалежна ад тыпу вакцыны, не з’яўляецца працяглым. Праз 6 месяцаў і больш напружанасць імунітэту зніжаецца (адпаведна зніжаецца абарона ад развіцця цяжкіх формаў, павышаецца рызыка паўторнай інфекцыі). «Таму неабходна стымуляваць імунітэт пры дапамозе бустэрной вакцынацыі супраць COVID-19, якая праводзіцца з выкарыстаннем адной дозы вакцыны праз 6 і больш месяцаў пасля скончанай асноўнай вакцынацыі», — прапаноўваюць у Мінскім гарадскім цэнтры гігіены і эпідэміялогіі.

У цяперашні час бустерная вакцынацыя праводзіцца толькі асобам 18 гадоў і старэй.

Прызначэнне прышчэпак ажыццяўляецца пасля інфармавання пацыента аб інфекцыі, супраць якой выконваецца прышчэпка, назве вакцыны, асаблівасцях плыні поствакцынальнага перыяду і атрымання згоды ў адпаведнасці з заканадаўствам.

«Асабліва важная паўнавартасная абарона ад цяжкай плыні і неспрыяльных наступстваў захворвання COVID-19 для груп рызыкі (асоб з хранічнымі захворваннямі, старэйшых за 60 гадоў, цяжарных жанчын і г. д.), асобных прафесійных катэгорый (медыцынскія работнікі, педагогі і г.д.), асоб, якія знаходзяцца ва ўстановах з кругласутачным рэжымам знаходжання», — звяртаюць увагу ўрачы.

Для школьнікаў, студэнтаў ВНУ (ССНУ) напярэдадні новага навучальнага года таксама асаблівае значэнне набывае вакцынацыя супраць COVID-19, калі пры фарміраванні калектываў з’яўляецца рызыка ўзнікнення і хуткага распаўсюджвання інфекцыі.

Фота БелТА

Прайсці вакцынацыю супраць інфекцыі COVID-19 можна ў амбулаторна-паліклінічнай установе аховы здароўя па месцы медыцынскага абслугоўвання, на здраўпунктах прадпрыемстваў і медыка-санітарных частках па месцы працы. 

Таксама для зручнасці насельніцтва ў Мінску функцыянуюць дадатковыя пункты вакцынацыі (станцыя метро «Кавальская Слабада», станцыя «Мінск-Пасажырскі», гандлёвы цэнтр «Дана Мол»). Практыкуецца арганізацыя выязных брыгад у працоўныя калектывы для правядзення вакцынацыі.

«Выкарыстанне комплекснага падыходу ў прафілактыцы інфекцыйных захворванняў — абарона з дапамогай вакцынацыі і захаванне мер прафілактыкі (частае і дбайнае мыццё рук, сацыяльнае дыстанцыяванне, пазбяганне месцаў збору людзей, выкарыстанне сродкаў абароны органаў дыхання і т. д.) дапамогуць засцерагчы ад захворвання», — дадалі ў Мінскім гарадскім цэнтры гігіены і эпідэміялогіі.

Як паведамлялася раней, рост захворвання COVID-19 чакаецца ў Беларусі з верасня.

Ксенія ДАБРАБЫТ

Выбар рэдакцыі

Грамадства

Што агульнага ў космасу з патэльняй? ​У сям’і Якубоўскіх з Жодзіна з фізікай сябруюць усе

Што агульнага ў космасу з патэльняй? ​У сям’і Якубоўскіх з Жодзіна з фізікай сябруюць усе

Як сямейная пара настаўнікаў фізікі робіць складанае простым.

Калейдаскоп

Усходні гараскоп на наступны тыдзень

Усходні гараскоп на наступны тыдзень

АВЕН. У аўторак падзеі будуць развівацца спрыяльна для вас, нечакана могуць узнікнуць новыя перспектывы для кар'еры. 

Калейдаскоп

5 важных рэчаў, якім бацькі абавязаны навучыць сваіх дзяцей

5 важных рэчаў, якім бацькі абавязаны навучыць сваіх дзяцей

Быць бацькамі — вялікая адказнасць. Кожны з нас хоча выхаваць дзіця ўпэўненым, добрым і шчырым. І самае галоўнае — шчаслівым.