Мінулыя выхадныя ў Беларусі аказаліся халоднымі. Сярэднія значэнні тэмпературы паветра былі на 3—5 градусаў ніжэй за кліматычную норму. Але з сярэдзіны тыдня нас чакае істотнае пацяпленне, якое будзе суправаджацца навальніцамі і дажджамі, паведамляюць спецыялісты Рэспубліканскага цэнтра гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.
Тэмпературны фон будзе павышацца пачынаючы з паўднёва-заходніх раёнаў краіны, дзе ўжо ў аўторак і сераду (19—20 ліпеня) паветра прагрэецца да плюс 26—28 градусаў, пры гэтым па паўночным усходзе краіны месцамі яшчэ можа быць не вышэй плюс 19—20 градусаў.
У аўторак на большай частцы тэрыторыі краіны пройдуць кароткачасовыя дажджы, месцамі навальніцы. Ноччу і раніцай у асобных раёнах будзе слабы туман. Вецер заходні, паўночна-заходні ўмераны, пры навальніцах парывісты. Тэмпература паветра ўдзень прагрэецца да плюс 19—24 градусаў, а па паўднёвым захадзе — да плюс 26 градусаў.
У сераду месцамі, пераважна па ўсходзе краіны, прагназуюцца кароткачасовыя дажджы, а ўдзень магчымыя навальніцы. Вецер паўночна-заходні ўмераны, удзень па паўночна-ўсходняй частцы краіны парывісты, у асобных раёнах моцны парывісты. Уначы тэмпература паветра складзе плюс 11—16 градусаў, а днём будзе ад плюс 19 градусаў па паўночным усходзе да плюс 28 градусаў па паўднёвым захадзе.
Карэнны пералом надвор'я чакаецца ў чацвер. У гэты дзень пераважна па ўсходзе краіны месцамі пройдуць кароткачасовыя дажджы, удзень магчымыя навальніцы. Вецер паўночна-заходні ўмераны, днём па ўсходняй частцы парывісты. Тэмпература паветра ўначы складзе плюс 10—15 градусаў, а ўдзень будзе вагацца ад плюс 20 градусаў па паўночным усходзе да плюс 31 градуса па паўднёвым захадзе краіны.
Паводле папярэдніх прагнозаў айчынных сіноптыкаў, у пятніцу і суботу месцамі па краіне чакаюцца кароткачасовыя дажджы з навальніцамі. Вецер заходняй чвэрці ўмераны, пры навальніцах парывісты. Ноччу тэмпература паветра будзе плюс 11—18, а днём павысіцца да плюс 22—29 градусаў. Месцамі, у асноўным па поўдні, тэмпература паветра дасягне адзнакі ад плюс 30 да 32 градусаў. Мяркуецца, што ў нядзелю стане на пару градусаў халадней.
Сяргей КУРКАЧ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.