Вы тут

Ліпеньскі нумар «Полымя» па традыцыі насычаны творамі паэзіі і прозы


Сёмы, ліпеньскі, нумар часопіса «Полымя» па традыцыі насычаны творамі паэзіі і прозы. Выпуск адкрываецца паэтычнай падборкай Віктара Шніпа «Памяць не прапала». І першым у ёй — верш «З намі Янка Купала». «Мы тутэйшымі былі калісьці, / Сёння ж беларусы мы, народ. / І мы помнім, памяць не прапала,/ Што было на нашае зямлі./ Мы жывём, і з намі наш Купала,/ Продкі, што нікуды не ўцяклі». А гэтыя радкі — з другога верша Віктара Шніпа: «Душа трымаецца за сэрца,/ А сэрца — вечна за душу,/ Таму спакойна сэрца б’ецца./ Душу ў сабе, як зніч, нашу». 


«Полымя» завяршае публікацыю рамана-версіі Уладзіміра Гаўрыловіча «Па веры вашай...» Вядомы празаік, лаўрэат Дзяржаўнай прэміі Рэспублікі Беларусь Георгій Марчук знаёміць чытача са сваімі, часам афарыстычнымі запісамі, якія аб’яднаны адной назвай: «Мой тэлеграм-канал». «Прызнаюся, напачатку рукапісу хацеў даць назву „Маякі памяці“, але ж паддаўся павевам часу. Маякі памяці — тыя ж тэлеграмы, толькі больш даўгавечныя. Шмат што трымае памяць чалавека, у яе сховішчах ёсць нешта такое, што запала ў сэрца і час ад часу аднекуль здалёк нагадвае пра яркія факты жыцця, якія фарміравалі свядомасць чалавека, яго духоўны рост з дзяцінства да старасці. У гэтых сігналах ёсць і ўласны грэх, можа, і сорам. Але што зробіш, такое жыццё — непрадказальнае. Новая форма тэлеграм-каналаў у нечым прагрэсіўная сваёй аператыўнасцю, адкрытасцю. Трэба ўмець асэнсоўваць прачытанае, пашыраць свае веды, аналізаваць, што праўда, а што падман», — так патлумачвае пісьменнік выбар жанру. 

З новымі вершамі ў ліпеньскім нумары выступае Ігар Пракаповіч. Сярод іншых публікацый вылучаецца апавяданне Уладзіміра Ягоўдзіка «Падарожжа доктара Руселя». 

Вялікай падборкай друкуюцца матэрыялы, прысвечаныя 140-годдзю з дня нараджэння народнага песняра Беларусі Янкі Купалы. Марыя Плаўская, Валянціна Ціханавецкая выступаюць з артыкулам «Янка Купала і Канстанцыя Буйло». Друкуюцца вершы Канстанцыі Буйло, прысвечаныя Янку Купалу. Доктар гістарычных навук Эмануіл Іофе назваў свой нарыс даволі прыцягальна — «Малавядомыя старонкі біяграфіі Янкі Купалы». Раю не абмінуць гэты тэкст. 

У ліпеньскім нумары «Полымя» выступаюць і крытыкі, літаратуразнаўцы Ганна Кісліцына («Метадалагічныя асновы сучаснага беларускага літаратуразнаўства»), Мікола Мікуліч («Параскідаў я свае вёсны...»: Штрыхі да партрэта Анатоля Іверса«), Валерый Максімовіч («Адраджэнскі пафас творчасці Янкі Купалы пачатку XX ст. у ракурсе праблемы нацыянальнай кансалідацыі»). 

Мікола БЕРЛЕЖ

Выбар рэдакцыі

Грамадства

Што агульнага ў космасу з патэльняй? ​У сям’і Якубоўскіх з Жодзіна з фізікай сябруюць усе

Што агульнага ў космасу з патэльняй? ​У сям’і Якубоўскіх з Жодзіна з фізікай сябруюць усе

Як сямейная пара настаўнікаў фізікі робіць складанае простым.

Калейдаскоп

Усходні гараскоп на наступны тыдзень

Усходні гараскоп на наступны тыдзень

АВЕН. У аўторак падзеі будуць развівацца спрыяльна для вас, нечакана могуць узнікнуць новыя перспектывы для кар'еры. 

Калейдаскоп

5 важных рэчаў, якім бацькі абавязаны навучыць сваіх дзяцей

5 важных рэчаў, якім бацькі абавязаны навучыць сваіх дзяцей

Быць бацькамі — вялікая адказнасць. Кожны з нас хоча выхаваць дзіця ўпэўненым, добрым і шчырым. І самае галоўнае — шчаслівым.