Cinemascope #shhh 2022, гарадскі пікнік «Vulitsa Ezha», выстава «Паўлінка» і іншае — штотыднёвая афіша «Звязды».
Дзе: Музей-майстэрня З. Азгура, г. Мінск, вул. Азгура, 8
Калі: 22, 26, 29 ліпеня
Колькі: 10 BYN
Ва ўнутраным дворыку Музея-майстэрні З. І. Азгура аднаўляюцца сезонныя кінапаказы пад адкрытым небам у рамках праекта Cinemascope #shhh. Адметнай асаблівасцю праекта з’яўляецца выкарыстанне спецыяльных бесправадных навушнікаў, якія працуюць на радыёчастоце. Дзякуючы гэтай тэхналогіі, паказы праходзяць у бясшумным рэжыме і арганічна ўпісваюцца ў існуючую гарадское асяроддзе, не парушаючы спакой жыхароў навакольных дамоў.
У сувязі з тым, што паказы праходзяць пад адкрытым небам, рэкамендуецца браць з сабой цёплую вопратку, пледы. У выпадку неспрыяльнага надвор’я паказы пераносяцца ў скульптурную залу музея. Бесправадныя навушнікі можна атрымаць на ўваходзе ў дворык пры прад’яўленні білета. Па заканчэнні сеансу яны падлягаюць вяртанню.
Усе фільмы ў рамках праекта # shhh дэманструюцца на мове арыгіналу з рускімі субтытрамі.
Фільмы:
Дзе: Батанічны сад, г. Мінск, вул. Сурганава, 2В
Калі: 23—24 ліпеня
Колькі каштуе: 15 BYN, дзецям да 12 гадоў — бясплатна
Сёмы сезон гарадскога пікніка «Vulitsa Ezha» у самым разгары. Арганізатары рыхтуюць насычаную праграму, абнаўляюць зоны актывацый, а топавыя ўстановы ўзмоцнена распрацоўваюць новае смачнае меню. Квіткі ўжо даступныя на сайце vulitsaezha.by.
Вялікі гарадскі пікнік у ліпені будзе другім па ліку ў гэтым годзе, а завяршыць летні сезон 2022 арганізатары плануюць у першыя дні верасня.
Што вас чакае на «Vulitsa Ezha»:
Дзе: г. Мінск, Музей гісторыі тэатра і музыкі, зав. Музычны, 5
Калі: да 24 ліпеня
Пачала працу выстава да 140-годдзя з дня нараджэння народнага паэта Беларусі Янкі Купалы «Паўлінка».
Станаўленне і развіццё беларускай літаратуры і тэатра непарыўна звязана з іменем народнага паэта Беларусі Янкі Купалы. Цяжка пераацаніць той уплыў, які аказала яго творчасць на развіццё беларускага прафесійнага тэатральнага мастацтва. Створаная Я. Купалай камедыя «Паўлінка» адыграла выключную ролю ў жыцці тэатраў.
На выставе прадстаўлены: друкаваныя творы Янкі Купалы (1-е і 2-е выданні «Паўлінкі»), рукапісы паэта, фотаздымкі П. Мядзелкі і яе асабістыя матэрыялы, афішы, эскізы касцюмаў, мемарыяльныя рэчы акцёраў. Заключным акордам у экспазіцыі выстаўкі з’яўляецца відэазапіс кінапастаноўкі «Паўлінкі» 1952 г.
Выстава з’яўляецца дапаўненнем тэмы на пастаяннай экспазіцыі.
Дзе: г. Мінск, вул. Леніна, 20
Калі: да 24 ліпеня
У Нацыянальным мастацкім музеі Рэспублікі Беларусь адбылося ўрачыстае адкрыццё выставы работ выпускнікоў Мінскага дзяржаўнага мастацкага каледжа імя А. К. Глебава «Ступені майстэрства», прысвечанай 75-годдзю каледжа.
На выставе будуць прадстаўлены больш за 50 творчых работ выпускнікоў каледжа ў такіх відах выяўленчага мастацтва, як жывапіс, графіка, скульптура і дэкаратыўна-прыкладное мастацтва. Мастацкія творы выпускнікоў каледжа адлюстроўваюць шырокі дыяпазон творчых манер і кампазіцыйных схем, а таксама ўвагу да колеравай гамы, тону, прасторавай глыбіні, пластыкі і яскравай вобразнасці. Валодаючы асабістым стылем, кожны выпускнік дэманструе свой талент і ўнікальнасць. Работы мастакоў ілюструюць сувязь часоў, пераемнасць традыцый і ўзнікненне навацый у беларускім выяўленчым мастацтве.
Дзе: г. Мінск, Vi Café, вул. Кісялёва, 28
Калі: 27 ліпеня
Кожную сераду паказваюць у кавярні паказваюць крутое кіно. Гэта можа дапамагчы разрадзіць тыдзень чароўнай атмасферай у кампаніі класных людзей за кубкам смачнага напою.
Дзе: г. Мінск, Музей гісторыі тэатра і музыкі, зав. Музычны, 5
Калі: да 28 ліпеня
Маляваныя дываны — гэта ўнікальныя народныя творы дэкаратыўна-ўжытковага мастацтва, былі распаўсюджаны ў 1920-я — пачатку 1960-х гг. Бытавалі яны ў вёсках, мястэчках, раённых цэнтрах Беларусі, асабліва ў Глыбоцкім, Шаркаўшчынскім, Пастаўскім раёнах Віцебскай вобласці, Слуцкім, Капыльскім, Салігорскім раёнах Мінскай вобласці і на Палессі. У тыя часы без маляваных дываноў, здаецца, не магчыма ўявіць інтэр’ер сялянскай хаты гэтых мясцовасцей.
Дываны стваралі звычайна на саматканым ільняным палатне, пафарбаваным найчасцей у чорны колер. Часам, у якасці асновы, майстры выкарыстоўвалі паперу, кардон ці то цырату, на якіх без папярэдняга нанясення грунту вольным роспісам пэндзлем клеявымі ці алейнымі фарбамі выконваўся малюнак. Тэхніка роспісу магла дапаўняцца ўжываннем набіванак і трафарэтаў.
На выстаўцы будуць прадстаўлены работы такіх мастакоў як А. А. Кіш, Я. Н. Драздовіч, Н. Л. Зосік, Г. П. Кузаўкоў і некаторых іншых невядомых аўтараў.
Дзе: Музей «Лошыцкая сядзіба», праезд Чыжэўскіх, д. 10
Калі: да 31 ліпеня
З чэрвеня 2021 г. у музеі «Лошыцкая сядзіба» працуе выстава «Паркавая, 10: прадметы гарадскога побыту 1950-х-1980-х гг. у прысядзібным флігелі». Выстава з’яўляецца працягам праектаў Музея гісторыі горада Мінска "Мінская прапіска"і" а ў нас у двары...".
Прысядзібны флігель пабудаваны ў 1895 г. на тэрыторыі Лошыцкага маёнтка Любанскіх і служыў гаспадарчай прыбудовай да сядзібнага дома. У пасляваенны перыяд у канцы 1940-х — пачатку 1950-х гг.будынак флігеля ўключаны ў рэестр жылога фонду Мінскага раёна.
Выстава размяшчаецца ў залах другога паверха флігеля, дзе калісьці пражывалі сем’і Рэйтаў і Вараб’ёвых. На выставе прадстаўлена больш за 200 арыгінальных прадметаў гарадскога побыту 1950-1980-х гг. з фондаў Музея гісторыі горада Мінска. Падобныя прадметы камусьці нагадаюць аб паўсядзённым жыцці мінчан савецкай эпохі, хтосьці ўбачыць іх упершыню. Сярод экспанатаў — мэбля, тэхнічныя прылады, посуд, адзенне, галантарэйныя вырабы, цацкі мінскіх і іншых прамысловых прадпрыемстваў.
Калекцыя савецкіх прадметаў, экспануемая на выставе, сфарміравана дзякуючы жыхарам сталіцы. Так, музейнымі экспанатамі сталі прадметы паўсядзённага ўжытку мінскіх сем’яў Бярозаўскіх, Цэдрыкаў, Талалавых, Чыжэўскіх, Гікала і іншых.
Экспазіцыю дапаўняюць творы беларускіх мастакоў В. Андрыянава, В. Ісачанка, А. Пуцейка, В. Ржэўцкага.
Дзе: г. Мінск, Музей Я. Коласа, вул. Акадэмічная, 5
Калі: да 3 жніўня
Творчасць Якуба Коласа з’яўляецца невычэрпнай крыніцай натхнення для твоцаў розных відаў мастацтваў. Паэма «Новая зямля» зачароўвае і вабіць паэтычнымі радкамі і мастакоў. Сярод тых жывапісцаў, хто цудоўна апісвае сваім чароўным пэндзлем прыгажосць роднай прыроды — як Колас у сваёй паэзіі! — можна вылучыць асобу Анатоля Бяляўскага. Мастака ўражвае, з якой любоўю піша аб родных мясцінах Якуб Колас.
Ад пейзажаў Анатоля Бяляўскага літаральна немагчыма адарваць позірк — яны зачароўваюць спакойнымі гарманічнымі рашэннямі, яркай вобразнай характарыстыкай. Калі глядзіш на карціны Анатоля Іванавіча, захапляешся адлюстраваннем вады і неба, чыстым і ясным позіркам сонца праз невялікія хмаркі альбо густую лістоту, велічныя постаці дубоў — любімых дрэў Якуба Коласа.
З пачатку сваёй творчай дзейнасці член саюза мастакоў Беларусі, вядомы творца Анатоль Бяляўскі напісаў больш за 3000 карцін. Пейзаж «Ручэй», на стварэнне якога мастака натхніў аднайменны верш Якуба Коласа, знаходзіцца ў калекцыі жывапісу нашчадкаў Якуба Коласа. Усе працы творцы аб’яднаны любоўю да сваёй роднай зямлі, да яе загадкавай прыгажосці.
Дзе: г. Мінск, Музей гісторыі беларускага кіно, вул. Свярдлова, 4
Калі: да 7 жніўня
Колькі: 2,5 BYN — дзіцячы; 3 BYN — студэнцкі/пенсіянерам, 5 BYN — дарослы
У выставачнай зале Музея гісторыі беларускага кіно, філіяле Нацыянальнага гістарычнага музея Рэспублікі Беларусь, адкрылася выстава-фантазія «МРОІ ПРА ВІЦЕБСК», прымеркаваная да 135-годдзя з дня нараджэння Марка Шагала.
Экспазіцыю выставы складаюць эскізы мастака-пастаноўшчыка Нацыянальнай кінастудыі «Беларусьфільм» Аллы Мацюшэўскай, якія сталі асновай фонаў і вобразаў герояў мультфільма «Марк Шагал. Пачатак» (Студыя анімацыйных фільмаў, рэжысёр Алена Пяткевіч), заснаванага на падрабязнасцях дзяцінства і юнацтва славутага мастака з яго аўтабіяграфічнага рамана «Маё жыццё».
Эскізы выкананы на спецыяльнай стужцы тэмпернымі фарбамі. Потым выявы сканаваліся, разразаліся, кампанаваліся і анімаваліся. Так ствараўся свет, у якім ажылі героі гэтага фільма, свет успамінаў Марка Шагала ва ўяўленні сучасных аўтараў. Алла Мацюшэўская і яе памочніцы-мастачкі Інга Карашкевіч і Таццяна Удавічэнка імкнуліся трапіць у стыль Марка Шагала, перадаць яго колеравую гаму так, каб персанажы, прадметы інтэр’ера, а таксама асновы для фонаў мультфільма перадавалі атмасферу яго ўласных твораў.
Наведвальнікі выставы прасочаць увесь працэс стварэння кінатвора — ад папярэдняй раскадроўкі, стылявых і рабочых эскізаў да канчатковых кадраў ужо гатовага мультфільма «Марк Шагал. Пачатак», які, дарэчы, таксама будзе дэманстравацца тут ў рэжыме non-stop.
Дзе: Галерэя Шчамялёва, г. Мінск, вул. Рэвалюцыйная, 10
Калі: да 14 жніўня
Колькі: 5 BYN — дарослым; 3,5 BYN — студэнтам/пенсіянерам, 2,5 BYN — школьнікам
У Гарадской мастацкай галерэі твораў Л. Д. Шчамялёва адбылося адкрыццё персанальнай выставы фатаграфіі Вячаслава Дудаладава «Фрагменты горада».
На выставе фатаграфіі «Фрагменты горада» прадстаўлена больш за 30 работ, у якіх адлюстравана жыццё горада Мінска. Аўтар літаральна малюе святлом і ценямі, адлюстравальная сталіцу ў розных праявах. Горад бывае таямнічым, філасофскім, утульным, дзесьці адзінокім. Гэта мастацкая прагулка, падчас якой можна спыніцца і памарыць, знайсці адказы на пытанні, раскласці па палічках свае думкі, вырашыць супярэчнасці, пачуць музыку вуліц і цішыню паркаў. Экспазіцыя дазваляе акунуцца і ў іншую іпастась горада, які напоўнены вар’яцкім рытмам і рухам транспарту, людзей, ЧАСУ. Праз аб’ектыў В. Дудаладава глядач злучаецца ў адзінае цэлае з такім розным, але заўсёды ветлівым горадам Мінскам, прытрымліваючыся яго правілах і настрою.
Дзе: г. Мінск, пр-т Незалежнасці, 58/1
Калі: да 14 жніўня
Колькі: 15 BYN — стандартны; 12 BYN — студэнцкі, 10 BYN — пенсіянеры, навучэнцы, школьнікі, дзеці ад 7 гадоў, шматдзетныя сем’і, людзі з інваліднасцю
Арцель Галерэя кафэ запрашае гасцей і жыхароў Мінска на выставу «Ван Гог і Гаген», прысвечаную творчасці двух знакамітых мастакоў XIX стагоддзя, чыё сяброўства аказала прыкметны ўплыў адзін на аднаго, але ледзь не скончылася трагічна.
Галандзец Вінцэнт Ван Гог і француз Поль Гаген выбітныя самабытныя мастакі, якія прадстаўляюць не проста розныя напрамкі або тэхнікі, гэта два розных свету, якія жывуць у адну эпоху. Іх сустрэча была непазбежнай.
Абодва мастакі не былі прызнаныя пры жыцці, але сталі знакамітыя пасля смерці. Узаемаадносіны іх былі вельмі няпростымі, іх сяброўства перажыла ўсю гаму эмоцый — ад узаемнага захаплення да поўнага адрывання.
У экспазіцыю выставы ўваходзяць парадку ста палотнаў, якія адлюстроўваюць розныя перыяды з жыцця абодвух мастакоў. Мэта выставы — даць наведвальнікам магчымасць зірнуць на творчасць Ван Гога вачыма Поля Гагена, і наадварот.
Работы суправаджаюцца апісаннем сюжэтаў і гісторыяй стварэння кожнай карціны. Таксама для зручнасці выстава суправаджаецца аўдыягіда. Для гасцей будуць дзейнічаць экскурсіі. На памяць можна набыць сувенірную прадукцыю.
Дзякуючы сучасным тэхналогіям з дапамогай тэхнікі «жыкле» можна цалкам узнавіць несмяротныя шэдэўры на натуральным палатне, прайграць драбнюткія нюансы колеру і святлаценю, перадаць характар і фактуру мазка. Захоўваецца нават друк часу ў выглядзе кракелюраў. У адрозненне ад мастацкіх копій, выкананых алеем на палатне прафесійнымі мастакамі-капіістамі, лічбавая мастацкая рэпрадукцыя — не імітацыя, а дакладнае, факсімільнае прайграванне арыгінала.
Дзе: г. Мінск, пр-т Незалежнасці, 116, «Нацыянальная бібліятэка»
Калі: да 20 жніўня
Колькі: кошт наведвання агляднай пляцоўкі
Фотавыстава «Смак жыцця» пра прыгажосць чалавека, які праходзіць курс хіміятэрапіі, пра жыццё насуперак няпростым абставінам хваробы і лячэння, аб магчымасцях, пераадоленні, сіле, барацьбе... Экспазіцыя ўяўляе 13 фотагісторый пацыентаў РНПЦ дзіцячай анкалогіі, гематалогіі і імуналогіі.
Фотагісторыі Лізаветы Балабан, Яраслава Ткачова, Міраслава Шаўчука, Міланы Абрамовіч, Хабібы Каландаровой і іншых герояў распавядаюць аб прыняцці сябе, сваёй знешнасці, якая змянілася ў ходзе хіміятэрапіі, аб пераадоленні цяжкасцяў лячэння. Фатаграфіі адлюстроўваюць іх індывідуальнасць, непаўторныя рысы, характар, унутраны свет. Выстава, фотасесіі — своеасаблівая форма арт-тэрапіі для людзей, якія перажываюць складаны вопыт, здольных адчуваць смак да жыцця, радавацца, спадзявацца і любіць... У працэсе фотаздымак з’яўляецца магчымасць павысіць самаацэнку, знайсці ў сабе рэсурсы да далейшага лячэння, да адаптацыі пасля анкалогіі.
Аўтарам праекта выступіла адна з мадэляў — Вераніка Супрун. Сярод удзельнікаў-стваральнікаў праекта — фатографы, візажысты, стылісты, фларысты, а таксама кіраўнікі фотастудый. Усе яны з энтузіязмам паставіліся да праекту і ўдзельнічалі ў ім на дабрачынных пачатках.
Мэта выставы — змяніць стэрэатыпы грамадства ў дачыненні да анкахворых, стварыць пазітыўны вобраз без няёмкасці, жалю, з павагай да прыгажосці, сілы і індывідуальнасці кожнага з іх.
Дзе: НЦСМ, г. Мінск, вул. Някрасава, 3
Калі: да 21 жніўня
Колькі: 7 BYN — поўны; 3 BYN — ільготны
Выстава работ беларускіх мастакоў прымеркавана да 135-годдзя з дня нараджэння Марка Шагала.
Асобнай часткай экспазіцыі выставачнага праекта выступае куратарскі праект Надзеі Хмыль «Навык шчасця» (праграма НЦСІ па падтрымцы маладых куратараў). Мастацтва прымаць з пакорай павароты лёсу, прымаць і любіць жыццё ва ўсёй яе паўнаце, захоўваць каханне з сваім сэрцы — дар, які дадзены ўсім нам з моманту нараджэння. Але далёка не ўсе мы захоўваем гэтую здольнасць на працягу жыццёвага шляху. Гэта мастацтва, уменне, навык, які неабходна ўзгадоўваць у душы пастаянна. У сваіх працах аўтары дзеляцца з гледачом асабістымі спосабамі прыўнясення ў жыццё шчасця і радасці.
У экспазіцыі прадстаўлены работы з фонду Нацыянальнага Цэнтра Сучасных Мастацтваў, прыватнай калекцыі Андрэя Плясанава, творы беларускіх аўтараў.
Дзе: г.Мінск, вул. М.Багдановіча, 7а
Калі: да 22 жніўня
Фактычная біяграфія Дзіядора Дзябольскага раскрываецца праз фотаздымкі, дакументы, прадметы, перададзеныя ў музей яго пляменніцай – Нінай Сяргееўнай Дзябольскай (Масква). Другую частку экспазіцыі складаюць копіі дакументаў, выяўленыя супрацоўнікамі Літаратурнага музея Максіма Багдановіча ў фондах Расійскага дзяржаўнага ваенна-гістарычнага архіва, Цэнтральнага дзяржаўнага архіва горада Масквы.
Выстава працуе ў аўторак-нядзелю, з 10.00 да 18.30.
Дзе: НЦСМ, г. Мінск, пр-т Незалежнасці, 47
Калі: да 28 жніўня
Колькі: 12 BYN — дарослым; 10 BYN — студэнтам, 8 BYN — пенсіянерам, навучэнцам, школьнікам, людзям з інваліднасцю
Дадзеная выстава працягвае серыю праектаў, што рэалізуюцца сумесна з вядомым куратарам Алегам Рыжковым, упадабаных беларускаму гледачу ў перыяд працы галерэі «LIBRA».
У складзе экспазіцыі — 64 творы ў тэхніцы літаграфіі, якія ілюструюць падзеі Старога Запавету. Ілюстрацыі Марка Шагала да Бібліі займаюць адно з найважнейшых месцаў у яго творчасці. Спецыяльна для стварэння дадзенай серыі твораў мастак авалодаў гэтай тэхнікай. Майстар пачаў ствараць іх у 1930-я гады, а скончыў ужо пасля Другой сусветнай вайны. Шырокая серыя, якая ўбачыла святло пасля доўгіх гадоў карпатлівай працы, прадэманстравала сапраўды ўнікальнае бачанне мастаком Бібліі. Творы Шагала ў поўнай меры перадаюць мудрасць і веліч Святога Пісання. Дваццаць чатыры работы з серыі «Вокны Ерусаліма», таксама ўключаныя ў экспазіцыю, з’яўляюцца эскізамі вітражоў для сінагогі пры шпіталі ў Ерусаліме.
Работы суправаджаюцца біблейскімі тэкстамі, якія апісваюць кожны канкрэтны сюжэт — гэта дазволіць атрымаць паглыбленае разуменне аб адлюстраванні біблейскіх сюжэтаў у творчасці Марка Шагала.
Арганізатары падрыхтавалі некалькі сюрпрызаў, каб зрабіць наведванне выставы яшчэ больш запамінальным. Кожны наведвальнік зможа прайсці тэматычны квэст, які дазволіць у займальнай форме пазнаёміцца з экспазіцыяй. У прасторы выставы вы знойдзеце арыгінальныя фотазоны, дзе проста немагчыма не зрабіць кадр на памяць. а
Дзе: г. Мінск, вул. Якуба Коласа, 37
Калі: да 31 жніўня
Колькі: ад 10 BYN
Унікальны праект Траццякоўскай галерэі прапануе акунуцца ў мастацтва з дапамогай VR-тэхналогіі. Вы зможаце зазірнуць у майстэрні Казіміра Малевіча і Наталлі Ганчаровай, а пасля — стаць галоўным героем шышкінскай «Раніцы ў сасновым лесе» і «Крыку» Эдварда Мунка.
VR-тэхналогіі пранікаюць у самыя розныя сферы чалавечага жыцця, актыўна выкарыстоўваюцца яны і ў музейнай справе. Траццякоўская галерэя ўяўляе незвычайны праект, які дазваляе не проста даткнуцца з творчасцю Казіміра Малевіча, Наталлі Ганчаровай, Івана Шышкіна і Эдварда Мунка, але і апынуцца ўнутры іх твораў, спасцігнуць творчыя метады вялікіх мастакоў.
Дзякуючы тэхналогіям віртуальнай рэальнасці гледачы могуць стварыць уласную карціну ў лепшых традыцыях рускага авангарду, прапанаваць сваю інтэрпрэтацыю «Раніцы ў сасновым лесе» і максімальна глыбока адчуць эстэтыку вядомага нарвежскага экспрэсіяніста.
Дзе: г. Мінск, вул. М. Багдановіча, 13
Калі: да 31 жніўня
Колькі: бясплатна
У Дзяржаўным музеі гісторыі беларускай літаратуры адбылося адкрыццё выніковай выставы мастацкай майстэрні PLOT пад назвай «Маршрут перабудаваны», прымеркаванай да Міжнароднага дня абароны дзяцей.
Увазе наведвальнікаў будуць прапанаваны мастацкія працы выхаванцаў майстэрні ў цікавым разрэзе: побач з фінальнымі варыянтамі твораў будуць экспанавацца іх першапачатковыя эскізы. Такім чынам наведвальнікі змогуць прасачыць развіццё, а часам і нечаканую трансфармацыю творчай задумы юных мастакоў.
Дзе: г. Мінск, ААТ «Банк Дабрабыт», пр-т. Пераможцаў, 3
Калі: да 2 верасня
Колькі: бясплатна
У цэнтры Мінска адкрылася выстава сучаснага беларускага мастака Васіля Касцючэнкі. Калекцыя «RedGreenBlue» налічвае 18 жывапісных работ, аб’яднаных гадовай тэматыкай. Азнаёміцца з палотнамі можна па 2 верасня. У працоўны час уваход бясплатны, а частка экспазіцыі даступная для прагляду кругласутачна.
На вернісажы прадстаўлены тэматычныя карціны, краявіды і нацюрморты. Палотны адлюстроўваюць экспрэсію мастака на розныя «летнія» сюжэты і лакацыі: мора, сонечнае святло, кветкі, прагулкі па летнім горадзе. Самі працы носяць Камерны характар вышынёй да 1 метра і ўдала ўпісваюцца ва ўтульную прастору Мастацкай галерэі.
Азнаёміцца з экспазіцыяй «RedGreenBlue» можна ў флагманскім аддзяленні Банка Дабрабыт на праспекце Пераможцаў, 3. Арт-прастора размешчана на цокальным паверсе будынка і адкрыта для наведвальнікаў у буднія дні з 9.00 да 19.00 і па суботах з 10.00 да 18.00. Акрамя таго, частка работ выстаўленая ў вокнах фасада будынка, якія ў цёмны час сутак падсвятляюцца яркай падсветкай. Так што палюбавацца імі ў незвычайным ракурсе можна падчас прагулкі па Мінску ў любы час.
Дзе: г. Мінск, Мастацкая галерэя Міхаіла Савіцкага, пл. Свабоды, 15
Калі: да 4 верасня
Колькі: 3,5 BYN — дарослым; 3 BYN — студэнтам; 2,5 BYN — школьнікам
У Мастацкай галерэі Міхаіла Савіцкага адбылося адкрыццё выставачнага праекта «Фарфоравы запаведнік», які прадэманструе ўсю разнастайнасць жывёльнага свету ў фарфоры. Выстава прымеркавана да Сусветнага дня аховы навакольнага асяроддзя і праводзіцца сумесна з калекцыянерам Віктарам Суворавым і студыяй «Флорыя» пры Рэспубліканскім цэнтры экалогіі і краязнаўства.
Член праўлення Беларускага рэспубліканскага грамадскага аб’яднання калекцыянераў Віктар Сувораў прадстаўляе частку сваёй багатай калекцыі фарфоравай скульптуры ў малой зале Мастацкай галерэі Міхаіла Савіцкага. Тэма выставы — анімалістыка, папулярны ва ўсе часы жанр дробнай пластыкі.
У экспазіцыі прадстаўлена каля сотні разнастайных парцалянавых статуэтак, якія паказваюць птушак, рыб, жывёл, вырабленых на заводах і фабрыках краін былога СССР і Еўропы. Гэта як добра знаёмыя ўсім Хатнія жывёлы і дзікія звяры, так і прадстаўнікі фаўны, занесеныя ў Чырвоную кнігу Рэспублікі Беларусь, і нават адзін від з Чорнай кнігі — белая амерыканская норка, якая цалкам выцесніла еўрапейскую норку на тэрыторыі Беларусі.
На выставе таксама прадстаўлены творчыя работы таленавітых вучняў педагога, мастака і дызайнера Людмілы Баіравай, якая з 2006 года кіруе студыяй творчага развіцця і арт-тэрапіі «Флорыя». Маладое пакаленне ўяўляе выставачны праект «Яны не павінны знікнуць», у рамках якога дзеці малююць знікаючыя віды жывёл і птушак, тым самым выяўляючы клопат аб захаванні прыроды і гуманнае стаўленне да навакольнага асяроддзя.
Таксама працуе зона пясочнай тэрапіі, дзе наведвальнікі змогуць паспрабаваць сябе ў ролі мастака пясочнай графікі.
Дзе: г. Мінск, Атрыум, пр. Незалежнасці, 116
Калі: да 5 верасня
Колькі: па чытацкім білеце або білеце сацыякультурнага цэнтра
На выставе прадстаўлены серыі абстракцый, створаных аўтарам на працягу апошніх пяці гадоў: жывапісныя вобразы кветак, квітнеючыя сады, падобныя на каляровыя выбухі дрэвы, насычаныя фарбамі ўсплёскі эмоцый і ўнутраных перажыванняў. Мірыяды рознакаляровых кропляў ствараюць эфект сатканых з паветра і колераў кветкавых сюжэтаў, рассыпаных на палотнах мастака выяў і кампазіцый. Абраная аўтарам жывапісная тэхніка — дрыпінг, у якой мастак на палатно капае, пырскае або вылівае фарбу.
У сваіх творах Андрэй Карпянкоў дэманструе пачуцці, і для гэтага звяртаецца да мовы экспрэсіянізму — пошукам формы і жывапіснай тэхнікі, невыпадковых плям, фактур і ліній. Яны дапамагаюць дастаткова абстрактнай мовай напісаць своеасаблівы эмацыйны дзённік.
Дамінуючы вобраз у экспазіцыі — кветкі, якія сімвалізуюць хараство прыроды, эмоцыі чалавека, імкненне падзяліцца радасцю і цеплынёй. Аднак у работах мастака феерверкі цвецені сканцэнтравалі ў сабе не ціхае жыццё аб’ектаў нацюрморта, а пачуццёвую энергетыку чалавека. Экспазіцыя пабудавана такім чынам, што палотны вядуць паміж сабой своеасаблівы каларыстычны дыялог, аб’яднаны агульнай «тэмпературай колеру», але адрозніваюцца ў характарыстыках нюансаў.
У межах выставы адбудзецца прэм’ера некалькіх работ, якія былі напісаны адмыслова для экспазіцыі і раскрываюць прачытанне мастаком канцэпцыі «прастора колеру».
Дзе: пр-т Незалежнасці, 25
Калі: да 9 верасня
Колькі: ад 10 BYN
«Краіна міні» — гэта тэхналагічны і інтэрактыўны музей мініяцюр, дзе вы можна ўбачыць больш за 30 славутасцяў краіны: якія існуюць, так і ўжо зніклыя аб’екты архітэктуры. Частка славутасцяў прадстаўлена ў экспазіцыі ў выглядзе макетаў, а частку можна ўбачыць у віртуальнай рэальнасці.
У музеі ёсць усё для камфортнага адпачынку і арганізацыі экскурсій, а таксама правядзення розных семінараў, лекцый і майстар-класаў. Акрамя экспазіцыі, у музеі ёсць:
Дзе: Гасцёўня Уладзіслава Галубка, г. Мінск, вул. Старавіленская, 14
Калі: да 11 верасня
Колькі: 6 BYN — дарослым; 5 BYN — студэнтам; 4 BYN — школьнікам
У выставачнай зале Музея прыроды і экалогіі адкрылася выстава жывых паўзуноў «Рэптыліум».
У экспазіцыі будуць прадстаўлены барадатыя агамы, жаба-рагатка, эублефары, шматлікія змеі, дзіўны і загадкавы Васіліск шлеманосны і многае іншае. Разнастайныя прадстаўнікі Азіі, Афрыкі і Амерыкі — яркія і экзатычныя — уразяць Вас сваім выглядам і звычкамі. Вы зможаце паназіраць за насельнікамі джунгляў і пустыняў, палюбавацца іх грацыёзнасцю.
Выстава можа зацікавіць як дарослых, так і дзяцей. Для маленькіх наведвальнікаў будзе арганізавана інтэрактыўная зона.
Дзе: г. Мінск, вул. М.Багдановіча, 13.
Калі: да 19 верасня
У Дзяржаўным музей гісторыі беларускай літаратуры адбылося адкрыццё часовай літаратурна-мастацкай экспазіцыі ««Катэхізіс» Сымона Буднага ў сучасным асэнсаванні», прымеркаванай да 460-годдзя выдання «Катэхізіса» вядомага гуманіста-асветніка беларускай зямлі Сымона Буднага.
На экспазіцыі будуць прадстаўлены «Катэхізіс» 1562 г. Сымона Буднага (муляж) і яго перавыданне 2005 г. Таксама да ўвагі наведвальнікаў прапануюцца старадрукаваныя і рэдкія выданні XVI–XIX стст., навуковыя і літаратуразнаўчыя працы вядомых даследчыкаў.
Дапоўняць і ўпрыгожаць экспазіцыю мастацкія працы заслужанага дзеяча мастацтваў Беларусі, лаўрэата прэміі Прэзідэнта Рэспублікі Беларусь «За духоўнае адраджэнне» (2001 г.) Віктара Барабанцава, у тым ліку жывапісны партрэт Сымона Буднага, а таксама графічныя працы з выявамі асветнікаў беларускай зямлі ў выкананні народнага мастака Беларусі Арлена Кашкурэвіча, лаўрэата Дзяржаўнай прэміі Рэспублікі Беларусь Эдуарда Агуновіча і беларускага графіка Пятра Драчова.
Пры стварэнні выставы былі выкарыстаны матэрыялы з фондаў Цэнтральнай навуковай бібліятэкі імя Якуба Коласа НАН Беларусі і Прэзідэнцкай бібліятэкі Рэспублікі Беларусь.
Дзе: Мастацкая галерэя Міхаіла Савіцкага, г. Мінск, пл. Свабоды, 15
Калі: да 30 верасня
Колькі: бясплатна
На выставе прадстаўлены фотаздымкі горада Мінска 1940–1950-х гг., перададзеныя ў фонды музея старшынёй Мінскага гарадскога выканаўчага камітэта ў 1955–1968 гг., ганаровым грамадзянінам горада Мінска Васілём Іванавічам Шарапавым (1916–2017).
Адраджэнне Мінска пачалося адразу пасля яго вызвалення. Прычым гэта было не аднаўленне даваеннага горада, а фактычна будаўніцтва новай сталіцы рэспублікі. Змянялася архітэктурнае аблічча горада. На фотавыстаўцы можна ўбачыць працэс аднаўлення горада, мінчан, якія працуюць на разборцы разбураных будынкаў, працоўную кніжку ўдзельніка аднаўленчых работ. 8 кастрычніка 1944 г. адбыўся першы масавы выхад працоўных сталіцы на аднаўленчыя работы. У гэты дзень працавалі 33 тысячы чалавек, за 6 гадзін працы было адабрана, ачышчана і ўкладзена ў штабелі 1 316 000 штук цэлай цэглы. Мінчане сабралі 1 065 тон рознага металу, падрыхтавалі 2 050 куб. м. шчабёнкі, уклалі ў штабелі 403 куб. м. бутавага каменю, расчысцілі 15 500 кв. м. гарадской плошчы.
На панарамных фотаздымках можна ўбачыць працэс будаўніцтва галоўнай вуліцы з яе сістэмай плошчаў імя Леніна (Незалежнасці), Цэнтральнай (Кастрычніцкая) і Круглай (Перамогі), якія ствараліся ў цэнтры горада і складалі адзіны ансамбль з Савецкай вуліцай (праспект Незалежнасці). Другі буйны архітэктурны ансамбль ствараўся ў раёне вакзала і Дома Урада. Будаўніцтва «варотаў горада» таксама зафіксавана ў фотаздымках.
Дзе: г.Мінск, вул. М.Багдановіча, 13.
Калі: да 31 снежня
У Дзяржаўным музеі гісторыі беларускай літаратуры адбылося адкрыццё часовай літаратурна-дакументальнай экспазіцыі «Таямніцы дзеда Кандрата», прысвечанай 100-годдзю пачатку творчай дзейнасці народнага пісьменніка Беларусі Кандрата Крапівы.
Праект рэалізаваны пры ўдзеле Нацыянальнага гістарычнага архіва Беларусі, Нацыянальнага архіва Рэспублікі Беларусь, Нацыянальнай бібліятэкі Беларусі, філіяла «Гасцёўня Уладзіслава Галубка» Нацыянальнага гістарычнага музея Рэспублікі Беларусь, Беларускага дзяржаўнага архіва-музея літаратуры і мастацтва, Цэнтральнай навуковай бібліятэкі імя Якуба Коласа Нацыянальнай акадэміі навук Беларусі.
Прадметны шэраг экспазіцыі прадстаўлены матэрыяламі з фондаў музея (рукапісы, фотаздымкі розных гадоў, дакументы, сувеніры, асабістыя рэчы, кнігі) і прадметамі ўстаноў-партнёраў. Дапаўняюць выставу матэрыялы з сямейнага архіва пісьменніка, якія ніколі раней не экспанаваліся.
Наведвальнікі пазнаёмяцца з асноўнымі этапамі жыццёвага і творчага шляху Кандрата Кандратавіча, праявамі і таямніцамі яго шматграннага таленту. Так, напрыклад, сярод іншага пісьменнік паўстае як выдатны знаўца мовы. Напісаная пісьменнікам кніга філалагічных загадак-амонімаў «Загадкі дзеда Кандрата» адрасавана пакаленням беларускіх дзетак, каб яны не гублялі цікавасці да роднай мовы. Паводле гэтага выдання для маленькіх наведвальнікаў выставы сумесна з праектам «Скарбонка гульняў» распрацаваны інтэрактыўны дадатак — настольная гульня «Загадкі дзеда Кандрата».
Куратар — Кажамяка Святлана Уладзіміраўна. Тэл. +375 (17) 395-44-47.
Дзе: Музей «Лошыцкая сядзіба», г. Мінск, праезд Чыжэўскіх 8/2, 10
Калі: да 31 снежня
У прысядзібным флігелі музея «Лошыцкая сядзіба», філіяла ДУ «Музей гісторыі горада Мінска», пачала працаваць выстава «Прасы на ўсе лады», на якой прадстаўлена больш за 500 чыгунных, латунных, драўляных (!), вугальных і «з душой», газавых і спіртавых прасаў XVIII — пач. XX стст, а таксама ранніх мадэляў электрычных прасаў XIX-XX стст. з прыватных калекцый.
На выставе будзе цікава даведацца, што такім фразеалагізмам, як «сагрэць душу», «укладваць душу», нават «выняць душу» мы абавязаны прасу. У XVIII ст. у прамысловай вытворчасці з’явіўся прас з металічным бруском-укладышам — «душой» з націскам на першы склад. «Душу» кідалі ў печку, распалялі і ўстаўлялі ўнутр, а ад яе ўжо грэўся ўвесь прас. Прадстаўленыя на выставе латуневыя і бронзавыя прасы «з душой» маюць «гільяціну», фігурны дызайн ручак у выглядзе дэльфінаў, карыатыд і іншых міфічных істот.
Сярод незвычайных для сучасніка-прасы для більярднага стала, пальчатак, капелюшоў, «гафратары» руш і валанаў для сукенак-крыналінаў, а таксама каўнерыкаў для мужчынскіх кафтанаў, флутэры і некаторыя іншыя. Унікальнымі з’яўляюцца шкляны і паравы прасы.
Самых маленькіх наведвальнікаў пацешаць цацачныя прасы, міні-прасы, прас з саломы.
Дзе: Музей «Лошыцкая сядзіба», г. Мінск, праезд Чыжэўскіх 8/2, 10
Калі: да 31 снежня
Колькі: 5 BYN
Ммузей «Лошыцкая сядзіба», філіял ДУ «Музей гісторыі горада Мінска», запрашае на майстар-клас «Лялькі-берагіні» на выставе народнага дэкаратыўна-прыкладнога мастацтва «Скарбонка памяці».
Першыя лялькі з’явіліся ў глыбокай старажытнасці і з таго часу чалавек не растаецца з імі. Лялька захавала адгалоскі старажытных уяўленняў і вераванняў, уяўленні пра свет, дабрыню і прыгажосць.
Гульню ў лялькі нашы продкі-беларусы не лічылі пустой забавай, а наадварот, заахвочвалі. Верылі, што чым больш дзіця гуляе і старанна робіць ляльку, тым большы будзе дастатак у сям’і, а жыццё паспяховей.
На майстар-класе Вы даведаецеся, чым адрозніваюца лялькі «стаўбушкі», «пеленашкі», «неразлучнікі», «мотанкі», зможаце іх зрабіць з тканіны, як гэта рабілі нашы продкі да сярэдзіны мінулага стагоддзя.
Вырабляючы абярэг сваімі рукамі, вы перададзіце яму часцінку сябе. Працэс павінен праходзіць у добрым настроі. Задача лялькі абараніць чалавека ад «злых сіл», прыняць на сябе хваробы і няшчасці, а таксама дапамагчы дзецям праз лялечны свет увайсці у «дарослае жыццё», а дарослым ізноў адчуць сябе дзецьмі.
Лялькі-берагіні, якія выраблены сваімі рукамі, стануць абярэгам вашых сям’і і дзіцяці, цікавай цацкай для дзяцей, добрым падарункам любым матулям, бабулям і каханым.
Дзе: Музей кнігі, г. Мінск, пр-т Незалежнасці, 116
Калі: да 31 снежня
Колькі: па чытацкім білеце або білеце сацыякультурнага цэнтра
Выстава прысвечана гісторыі фарміравання фонда Нацыянальнай бібліятэкі Беларусі і дэманструе найбольш значныя і каштоўныя ўзоры беларускай і сусветнай кніжнай спадчыны, назапашанай за 100 гадоў.
Фонд галоўнай бібліятэкі краіны на сёняшні дзень налічвае звыш 10 млн. экз. дакументаў. У гэтым багацці ведаў вылучаецца сваёй унікальнасцю калекцыя рукапісных і друкаваных выданняў XV — пачатку XXI ст., якая пачала фарміравацца адначасова з заснаваннем бібліятэкі ў 1922 г. У яе аснову ўвайшлі былыя магнацкія і шляхецкія бібліятэкі, бібліятэчныя зборы розных устаноў, прыватныя кнігазборы вядомых дзеячаў культуры, мастацтва, навукі і г. д.
Асноўныя раздзелы экспазіцыі пазнаёмяць наведвальнікаў з калекцыямі рукапісаў, інкунабулаў, палеатыпаў, старадрукаваных кніг XVI–XVIII стст., рэдкіх кніг XIX — пачатку XXI ст.
Выстава прадставіць эвалюцыю кнігі і фондаў бібліятэкі. Тут можна будзе пабачыць кнігі на розных матэрыялах, пачынаючы з гліняных таблічак, пальмавых лістоў, пергамента, і заканчваючы паперай; і ў розных формах: ад скрутка да кодэкса. Шэраг асобнікаў экспануецца ўпершыню.
Прэв’ю: pexels.соm
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
