Вы тут

Як Заслаўе будзе святкаваць 1030-годдзе Праваслаўнай царквы


Урачыстасці з нагоды святкавання 1030-годдзя Праваслаўнай царквы на беларускіх землях 28 ліпеня прыме Заслаўе. У гэты дзень жыхароў горада чакае насычаная святочная праграма. Горад рыхтуецца прыняць больш за тысячу гасцей, якія могуць ўзяць удзел у богаслужэнні на адкрытым паветры, што пачнецца на тэрыторыі храма Праабражэння Гасподняга ў 9.30. Богаслужэнне ўзначаліць Мітрапаліт Мінскі і Заслаўскі Веніямін. 


Фота: photocentra.ru

— Увесь гэты год, адметны для беларускага праваслаўя, царква адзначае шэрагам мерапрыемстваў, сярод якіх 5 чэрвеня адбыўся Дзень памяці прападобнай Ефрасінні. Наступная дата — памяць святогага раўнаапостальнага князя Уладзіміра, з іменем якога звязанае хрышчэнне Русі ў 988 годзе. Яно стала адпраўным пунктам тых падзей і працэсаў, якія прывялі ў 992 годзе да з’яўлення ў Полацку епіскапскай кафедры, што пасутнасці было адміністратыўным афармленнем царкоўнага жыцця. Стварэнне асобнай епархіі сведчыла пра тое, што хрысціян было даволі шмат. Заслаўе абралі для свята 28 ліпеня невыпадкова. Горад заснаваў у 985 годзе князь Уладзімір і аддаў сыну Ізяславу і яго маці Рагнедзе. Разам з Полацкам і Туравым Заслае стала адным з цэнтрам распаўсюджвання хрысціянства на нашых землях. — тлумачыць старшыня Сінадальнага інфармацыйнага аддзела Беларускай Праваслаўнай Царквы Іерэй Ігар Васько. — Важнасць святкавання 1030-годдзя Праваслаўнай Царквы ў Беларусі для сучаснага грамадства ў тым, што праваслаўе зрабіла ўплыў на фарміраванне нашай сістэмы каштоўнасцей, выбудавала маральную сістэму каардынат. 

Менавіта таму далучыцца да Богаслужэння ў Заслаўі зможа кожны: дастаткова ўключыць прамую трансляцыю на Беларусь-3 ў 10.00 гадзін. Рыхтуецца выстаўка «Сувязь часоў» з унікальных фотаздымкаў храмаў, артэфактаў і археалагічных раскопак. Нездарма, таму што гісторыкам дагэтуль ёсць над чым працаваць, узнаўляючы падзеі таго часу, калі Рагнеда-Гарыслава з малым сынам вярнулася на тыя землі, дзе жыў яе народ.

Тут яна стала першай нашай манашкай з іменем Настасся, пра што памятаюць у Заслаўі, якое атрымала назву ў гонар сына Рагнеды Ізяслава. 

— Першая епіскапская кафедра на беларускіх землях была заснавана ў 992 годзе ў Полацку ў ліку 10 епархій, якія ўзніклі на Русі напрыканцы Х — у ХІ стагоддзі. Пра такія падзеі як звяржэнне паганскіх багоў, хрышчэнне агнём і мячом, якія на першым этапе суправаджалі прыняцце хрысціянства ў Кіеве і Ноўгарадзе, у Полацку невядома, — адзначае Валянціна Цяплова, гісторык, прафесар Мінскай духоўнай акадэміі. — Магчыма, гэта тлумачыцца тым, што палітыка Полацкага князя Ізяслава, з імемем якога звязана распаўсюджанне хрысціянсва на беларускіх землях, для таго суровага часу вылучалася незвычайнай мяккасцю і цярпімасцю. Верагодна, у тым жа духу дзейнічала духавенства, якое прыбыло разам з ім, епіскап, імя якога крыніцы не захавалі. 

Горад Заслаўе ўсяго толькі на 7 гадоў старэйшы за праваслаўе на беларускіх землях, яму сёлета 1037 гадоў, заўважыла Ірына Ціхонка, намеснік старшыні Мінскага раённага выканаўчага камітэта. Традыцыі праваслаўя з 992 года тут умацоўваліся, і на сённяшні дзень у Мінскім раёне 49 прыходаў Беларускай праваслаўнай царквы, 3 благачынні, 32 храма, якія дзейцнічаюць, яшчэ 16 храмаў на стадыі будаўніцтва.

Колькасць прыхаджан павялічваецца, таму і цікавасць да свята чакаецца вялікая. Улады клапоцяцца пра тое, каб было дастаткова транспарту для людзей, якія захочуць наведайць горад 28 ліпеня. Тым больш, што праграма вялікая, і ў большай ступені сямейная. Будзе арганізаваная выстаўка рамеснікаў, выстаўка манастырскіх майстэрняў. Лялечныя спектаклі тэатра «Батлейка», інэрактыўныя гульні, прэзентацыі кніг.

Увечары на галоўнай плошчы горада адбудзецца вялікі канцэрт з удзелам Архіерэйскага хара Свята-Духава кафедральнага сабора Мінска, мужчынскага хору «Усіхсвяцкі», капэлы «Санорус», Дзяржаўнага камернага хору , Беларускага дзяржаўнага ансамбля «Харошкі» і ансамбля танца Заслаўскай школы мастацтваў. Для тых, хто цікавіцца гісторыяй Заслаўя, будуць арганізаваныя экскурсіі. 

Ларыса ЦІМОШЫК

Выбар рэдакцыі

Эканоміка

«Чуткі пра „смерць“ наяўных моцна перабольшаны»

«Чуткі пра „смерць“ наяўных моцна перабольшаны»

Банкамат становіцца па-сапраўднаму шматфункцыянальнай прыладай.

Грамадства

Што агульнага ў космасу з патэльняй? ​У сям’і Якубоўскіх з Жодзіна з фізікай сябруюць усе

Што агульнага ў космасу з патэльняй? ​У сям’і Якубоўскіх з Жодзіна з фізікай сябруюць усе

Як сямейная пара настаўнікаў фізікі робіць складанае простым.