Вы тут

Петрышэнка: вучэбна-лабараторны корпус дзіцячага тэхнапарка гатовы на 90%


Вучэбна-лабараторны корпус Нацыянальнага дзіцячага тэхнапарка гатовы на 90 працэнтаў. Аб гэтым падчас наведвання аб’екта расказаў намеснік прэм’ер-міністра Ігар Петрышэнка, перадае БелТА.


«Будаўнічыя работы амаль завершаны, абсталяванне закуплена, практычна гатова ўсё камплектаванне з улікам тэхналагічных асаблівасцей. Будаўнікі ідуць з апярэджаннем графіка, — расказаў Ігар Петрышэнка. — Ступень гатоўнасці жылога комплексу таксама высокая, яна складае каля 90 працэнтаў. У тэхнапарку ўсё зроблена для таго, каб дзеці маглі паглыбляцца не толькі ў навучанне, але і ў якаснае правядзенне вольнага часу. Дзеці могуць рэалізаваць свой творчы і тэхнічны патэнцыял».

Акрамя таго, пашыраецца спектр напрамкаў, па якіх ажыццяўляецца падрыхтоўка дзяцей у тэхнапарку. Да ўжо існуючых пяці дабавяцца яшчэ пяць. У верасні будуць дадаткова адкрыты напрамкі «Інфармацыйная бяспека», «Электроніка і сувязь», «Нанаіндустрыя і нанатэхналогіі», «Энергетыка будучыні», «Архітэктура і дызайн».

«З 1 верасня мы плануем набіраць у адукацыйную змену сто чалавек замест сарака. У бягучым годзе навучаецца 6 груп па 40 чалавек, гэта значыць 240 чалавек прайшлі падрыхтоўку на базе парка. Падрыхтоўку ў тэхнапарку прайшла і Настасся Більдзь, якая набрала максімальныя 400 балаў для паступлення ў БДУІР», — адзначыў віцэ-прэм’ер.

Паводле яго слоў, у далейшым плануецца ўдасканальваць падрыхтоўку дзяцей у тэхнапарку, суправаджаць іх пры паступленні ў вышэйшыя навучальныя ўстановы і пасля заканчэння садзейнічаць іх працаўладкаванню. «Цяпер Міністэрства адукацыі сумесна з зацікаўленымі адпрацоўвае сістэму “бясшвовага” ўваходжання ў прафесію пасля атрымання вышэйшай адукацыі», — сказаў на заканчэнне намеснік прэм’ер-міністра.

У бягучым годзе ў правілах прыёму ёсць навінка: навучэнцы, якія паспяхова прайшлі курс навучання ў тэхнапарку, могуць паступаць у вышэйшыя навучальныя ўстановы, ліцэі і сярэднія спецыяльныя навучальныя ўстановы без здачы ўступных іспытаў па накіраванні наглядальнага савета.

Нацыянальны дзіцячы тэхнапарк дзейнічае з 1 студзеня 2021 года. У інфраструктуры прадугледжаны школа, вучэбна-лабараторны корпус і інтэрнат на 300 месцаў.

Выбар рэдакцыі

Эканоміка

«Чуткі пра „смерць“ наяўных моцна перабольшаны»

«Чуткі пра „смерць“ наяўных моцна перабольшаны»

Банкамат становіцца па-сапраўднаму шматфункцыянальнай прыладай.

Грамадства

Што агульнага ў космасу з патэльняй? ​У сям’і Якубоўскіх з Жодзіна з фізікай сябруюць усе

Што агульнага ў космасу з патэльняй? ​У сям’і Якубоўскіх з Жодзіна з фізікай сябруюць усе

Як сямейная пара настаўнікаў фізікі робіць складанае простым.