У сельгаспрадпрыемстве «ЖодзінаАграПлемЭліта» Смалявіцкага раёна пад азімыя і яравыя збожжавыя і зернабабовыя культуры адведзены палетак плошчай у 3500 гектараў. Некалькі дзён таму ў гаспадарцы пачалося жніво. Механізаваны атрад з дзвевяці камбайнаў, нягледзячы на няўстойлівае надвор'е, паспеў змалаціць 165 гектараў азімага ячменю і атрымаць ураджайнасць з кожнага гектара сорак пяць цэнтнераў. Учора да прыцемкаў хлебаробы ўвіхаліся на рапсавых палетках, якіх у гаспадарцы восемсот гектараў, імі змалочана больш за 150 гектараў алейнай расліны.
Уладзімір СМОЛЬСКІ (на фота) — высакакласны спецыяліст і перадавы механізатар гэтага прадпрыемства, знаны ў раёне працаўнік, больш як трыццаць гадоў з добрым настроем удзельнічае ў жніве. Дарэчы, палеткі, на якіх яно ідзе, наш герой ячшэ і засяваў — і як толькі скончыцца ўборка, зноў перасядзе на трактар і пачне весці азімую сяўбу: пад ураджай наступнага года. Але гэта яшчэ наперадзе, а цяпер са сваімі калегамі-камбайнерамі брыгадзір Уладзімір Смольскі гектар за гектарам збірае сёлетні ўраджай.
Анатоль КЛЯШЧУК
Фота аўтара
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.