Вы тут

Беларусь экспарціравала паслуг у сферы ІКТ на 3,2 млрд долараў


Па выніках мінулага года Беларусь знаходзіцца ў топавай тройцы краін Усходняй Еўропы па экспарце камп’ютарных паслуг краін — членаў ААН. Пры гэтым экспарт камп’ютарных паслуг на душу насельніцтва ў краіне летась павялічыўся на 20 % і склаў 320 долараў, паведамляецца на сайце Парка высокіх тэхналогій (ПВТ). Сумарны экспарт паслуг у сферы інфармацыйна-камунікацыйных тэхналогій (ІКТ) у 2021-м дасягнуў 3,2 млрд долараў.


Статыстычныя даныя былі агучаны падчас канферэнцыі ААН па гандлю і развіццю (ЮНКТАД — ад англ. United Nations Conference on Trade and Development). У межах асобнай краіны параметр экспарту камп’ютарных паслуг характарызуе ўзровень развіцця IT-сектара і яго значнасці для нацыянальнай эканомікі. Па выніках 2021-га гэты паказчык на душу насельніцтва ў Венгрыі склаў 276 долараў, Польшчы — 266, ЗША — 135, Паўднёвай Карэі — 156, Японіі — 75, Расіі — 44, Грузіі — 35 долараў.

ЮНКТАД змяшчае дакладныя статыстычныя даныя, неабходныя для аналізу міжнароднага гандлю, эканамічных тэндэнцый, знешніх фінансавых рэсурсаў, гаворыцца на сайце ПВТ. Канферэнцыя — орган Генеральнай Асамблеі ААН, асноўныя задачы якой — садзейнічанне развіццю міжнароднага гандлю, выпрацоўка рэкамендацый і механізмаў функцыянавання сучасных міжнародных эканамічных стасункаў, удзел у каардынацыі дзеянняў ў галіне эканамічнага развіцця гаспадарчых сувязяў і падтрымкі міжнароднага гандлю.

Нагадаем, што найбуйнейшым пастаўшчыком камп’ютарных паслуг у Беларусі з’яўляецца Парк высокіх тэхналогій, са стварэннем якога краіна атрымала развітую індустрыю распрацоўкі камп’ютарных праграм, якую даўно ведаюць не толькі ў рэспубліцы, але і за межамі. На долю Парка прыходзіцца каля траціны ўсяго экспарту паслуг краіны, і цягам апошніх гадоў у аб’ёме экспарту паслуг павялічваецца доля камп’ютарных. Галоўнай задачай ПВТ застаецца стварэнне аптымальнага асяроддзя для развіцця кампаній, дзейнасць якіх звязаная з інфармацыйна-камунікацыйнымі тэхналогіямі.

Ірына СІДАРОК

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».