У Гомельскай вобласці зарэгістравана 70 працэнтаў нерухомай маёмасці, паведамляе БелТА.
Гэты працэс у рэгіёне праходзіць у адпаведнасці з планам мерапрыемстваў па забеспячэнні дзяржаўнай рэгістрацыі нерухомай маёмасці. Усяго ў Гомельскай вобласці падлягаюць дзяржрэгістрацыі 4297 аб’ектаў. Паводле даных на 1 ліпеня, зарэгістравана 2995 аб’ектаў, або 70 працэнтаў.
Для своечасовага завяршэння гэтай работы, а таксама аптымальнага і раўнамернага расходавання сродкаў на яе правядзенне старшыня аблвыканкама Іван Крупко зацвердзіў паквартальны графік рэгістрацыі на 2022 год. У бягучым годзе неабходна зарэгістраваць 1358 аб’ектаў 13 райвыканкамаў.
«Для выканання даручэння ў райвыканкамах ёсць усе магчымасці. Так, яны могуць скарыстацца дзеючымі да канца бягучага года льготамі, якія прадастаўляюцца ўказам Прэзідэнта Рэспублікі Беларусь ад 02.03.2021 нумар 76. Акрамя таго, ёсць і магчымасць выкарыстання сродкаў, якія паступаюць за карыстанне арэндным жыллём, на афармленне дакументаў на жылыя памяшканні, а таксама на зямельныя ўчасткі, на якіх яны размешчаны», — расказалі ў камітэце.
Камітэт сумесна з райвыканкамамі і аблвыканкамам штоквартальна разглядае вынікі работы з вывучэннем рэзерваў і эфектыўнасці дзейнасці.
Прэв’ю: БелТА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
