Падазрэнне ў супрацоўнікаў Цэнтральнага РУУС сталіцы выклікаў кіроўца, які заехаў на аўтамабілі на зялёную зону каля вадасховішча Дразды, а пры з’яўленні праваахоўнікаў паспрабаваў рэзка развярнуцца і ўцячы.
Супрацоўнікі наркакантролю і аддзела ДАІ прынялі рашэнне даставіць мужчыну на агляд. У машыне 31-гадовага мінчаніна былі знойдзены вагі са слядамі небяспечных наркотыкаў — метадону, альфа-PVP, гашышу.
Як паведамляе ГУУС Мінгарвыканкама, па месцы жыхарства фігуранта былі знойдзены і канфіскаваны чатыры ёмістасці з раслінамі канопляў, ёмістасці з грунтам, фасовачныя пакеты, электронныя вагі і прыстасаванні для курэння марыхуаны, а таксама некалькі разавых доз гатовага наркотыку.
Вядома, што мужчына працаваў у службе таксі, раней не быў судзімы. Следчыя далі прававую ацэнку і распачалі крымінальную справу за незаконнае абарачэнне наркотыкаў.
Таксама за кіраванне транспартным сродкам у стане, выкліканым спажываннем наркатычных рэчываў, мужчына прыцягнуты да адміністрацыйнай адказнасці.
Сяргей РАСОЛЬКА
Прэв’ю: БелТА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».