Вы тут

Больш за 225 тыс. школьнікаў са шматдзетных сем’яў атрымаюць матдапамогу да навучальнага года


Больш за 225 тыс. школьнікаў са шматдзетных сем’яў атрымаюць матдапамогу да навучальнага года, паведамілі ў Мінпрацы і сацабароны.


З 1 жніўня пачалася выплата аднаразовай матэрыяльнай дапамогі на падрыхтоўку дзяцей да школы. Такую дапамогу атрымаюць больш за 225 тыс. школьнікаў са 111,5 тыс. шматдзетных сем’яў. Аднаразовая матэрыяльная дапамога прадастаўляецца незалежна ад даходу сям’і. Выплаты прадугледжаны ў рамках дзяржаўнай праграмы «Здароўе народа і дэмаграфічная бяспека» на 2021-2025 гады. Згодна з дакументам, такая фінансавая падтрымка прадугледжана для сем’яў, якія выхоўваюць траіх і больш непаўналетніх дзяцей.

Памер дапамогі складае Br98,55 (30 працэнтаў БПМ) на кожнага школьніка ў сям’і. На гэты від падтрымкі ў мясцовых бюджэтах запланавана больш як Br20 млн.

Малазабяспечаным сем’ям (у тым ліку і шматдзетным), сем’ям, якія выхоўваюць дзіця з інваліднасцю, фінансавая дапамога на падрыхтоўку да школы аказваецца ў выглядзе аднаразовай або штомесячнай сацыяльных дапамог у рамках дзяржаўнай адраснай сацыяльнай дапамогі. Такая дапамога прадастаўляецца на набыццё адзення, абутку, канцылярскіх прылад.

Памер выплат вызначаюць раённыя камісіі ў кожным выпадку індывідуальна, зыходзячы з даходу сям’і і канкрэтнай жыццёвай сітуацыі. Бацькам школьнікаў можа быць аказана дапамога і па месцы працы за кошт сродкаў прафсаюзных арганізацый або сродкаў наймальнікаў.

Акрамя таго, традыцыйна па ўсёй краіне праходзяць дабрачынныя акцыі, кірмашы, арганізаваныя тэрытарыяльнымі цэнтрамі сацыяльнага абслугоўвання насельніцтва, дабрачыннымі фондамі і грамадскімі аб’яднаннямі, мэта якіх — таксама аказанне падтрымкі сем’ям з дзецьмі.

Прэв’ю: pixabay.com

Выбар рэдакцыі

Грамадства

Што агульнага ў космасу з патэльняй? ​

Што агульнага ў космасу з патэльняй? ​

Як сямейная пара настаўнікаў фізікі робіць складанае простым.

Калейдаскоп

Усходні гараскоп на наступны тыдзень

Усходні гараскоп на наступны тыдзень

АВЕН. У аўторак падзеі будуць развівацца спрыяльна для вас, нечакана могуць узнікнуць новыя перспектывы для кар'еры. 

Калейдаскоп

5 важных рэчаў, якім бацькі абавязаны навучыць сваіх дзяцей

5 важных рэчаў, якім бацькі абавязаны навучыць сваіх дзяцей

Быць бацькамі — вялікая адказнасць. Кожны з нас хоча выхаваць дзіця ўпэўненым, добрым і шчырым. І самае галоўнае — шчаслівым.