Вы тут

Тэхніка будучыні: «Гомсельмаш» запусціць у масавую вытворчасць новыя мадэлі камбайнаў з 2023 года


мадэлей збожжаўборачных камбайнаў з гібрыднай сістэмай малацьбы і сепарацыі, паведамілі на прадпрыемстве.


Холдынг «Гомсельмаш» займае ўпэўненую пазіцыю па пастаўцы збожжа- і кормаўборачных камбайнаў для прадпрыемстваў агракомплексу краіны. Таксама ўносіць важкі ўклад у фарміраванне беларускага экспартнага партфеля. Паспяховаму прасоўванню брэндавай тэхнікі як на ўнутраны, так і на знешнія рынкі садзейнічае каласальная работа гомельскіх камбайнабудаўнікоў па мадэрнізацыі лінейкі прадукцыі, а таксама абнаўленнні вытворчай базы.

«Сённяшняе пакаленне камбайнаў „Гомсельмаш“ — эфектыўныя, эканамічныя аграмашыны з выйгрышнымі канструкцыйнымі рашэннямі, шырокай базавай камплектацыяй і багатым наборам дадатковых опцый, сучаснай камфортнай кабінай аператара, прывабным знешнім дызайнам», — расказалі на прадпрыемстве. Адзін з яркіх прыкладаў — высокапрадукцыйны збожжаўборачны камбайн прэміум-класа з гібрыднай схемай малацьбы і сепарацыі GS2124. Ён аснашчаны сістэмамі дакладнага земляробства, таксама прыцягвае аграрыяў іншымі прагрэсіўнымі рашэннямі. Флагманская мадэль стала лаўрэатам конкурсу «Лепшыя тавары Рэспублікі Беларусь» па выніках 2021 года ў намінацыі «Прадукцыя вытворча-тэхнічнага прызначэння». Распрацоўшчык мадэлі — ААТ «Гомсельмаш» — удастоены дыплома «Стабільная якасць».

На прадпрыемстве рэалізуюць новыя маштабныя праекты ў сельгасмашынабудаванні. «Так, падрыхтаваны да масавай вытворчасці з 2023 года новыя магутныя мадэлі збожжаўборачных камбайнаў з гібрыднай сістэмай малацьбы і сепарацыі GH800 і GH810, распрацаваныя на аснове серыйнага камбайна GS3219. Разам з тым гатовы пачаць прамысловы выпуск новага прадукцыйнага ротарнага камбайна GR700», — паведамілі на прадпрыемстве.

Не абышлася без комплекснага абнаўлення і класічная серыя збожжаўборачных камбайнаў GS. «Мадэлі яе рада — GS812, GS10, GS12А1 — сёння могуць выпускацца ў палепшаных мадыфікацыях з новай камфортнай кабінай аператара, а таксама цэлым комплексам канструкцыйных змяненняў», — дадалі ў холдынгу.

У холдынгу створаны поўны комплекс сучасных вытворчых тэхналогій. Тут не толькі вырабляюць, але і самастойна распрацоўваюць агратэхніку. У руках спецыялістаў — найноўшыя тэхналогіі канструіравання і мадэліравання. Таксама на высокім узроўні аснашчаны выпрабавальны цэнтр і эксперыментальная вытворчасць.

Холдынг «Гомсельмаш» — адзін з буйнейшых вытворцаў сельскагаспадарчай тэхнікі, што ўваходзіць у лік лідараў сусветнага рынку камбайнаў і іншых складаных сельгасмашын. Прадпрыемства выпускае мадэльныя рады збожжаўборачных і кормаўборачных камбайнаў, пачаткаўборачныя і бульбаўборачныя камбайны, касілкі і іншую сельгастэхніку. Камбайны працуюць на палях краін блізкага і далёкага замежжа. Кампанія мае шырокую тавараправодную сетку, сумесныя прадпрыемствы і зборачныя вытворчасці.

Прэв’ю: БелТА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.