Вы тут

Жыхарка Барані разлічылася купюрай з банка розыгрышаў у краме


Купюры з «Банка розыгрышаў» фігурыруюць адразу ў дзвюх гісторыях на тэрыторыі Віцебскай вобласці. Падрабязнасці паведамляе аддзяленне інфармацыі і грамадскіх сувязяў УУС аблвыканкама.


Фота УУС Віцебскага аблвыканкама.

Першы факт быў зафіксаваны ў Барані. У адной з мясцовых крам пры пераліку выручкі была знойдзена банкнота вартасцю 100 беларускіх рублёў. На ёй меўся надпіс, што дадзеная купюра не з’яўляецца плацежным сродкам. Аднак прадавец не заўважыла гэтага, калі з ёй разлічыўся пакупнік. Міліцыянеры ўстанавілі, што банкноту прынесла ў гандлёвы аб’ект мясцовая настаўніца. Жанчына расказала, што грошы знайшоў на вуліцы яе ўнук. Не пераканаўшыся ў сапраўднасці грошай, педагог адправілася ў краму і там купіла за яе ўпадабаны тавар.

А вось пажылая жыхарка абласнога цэнтра прыйшла з яшчэ адной сувенірнай банкнотай у банк. Пенсіянерка паспрабавала памяняць 1000 расійскіх рублёў. Касір адразу зразумела, што перад ёй несапраўдныя грошы і выклікала міліцыю. Падчас разбору жанчына расказала, што раніцай у панядзелак знайшла купюру ў сваёй паштовай скрыні. Узрадавалася поспеху і адразу пайшла ў абменнік.

УУС Віцебскага аблвыканкама нагадвае: будзьце ўважлівымі, калі да вас у рукі трапляюць грошы, сапраўднасць якіх выклікае сумненне. Не разлічвайцеся такімі купюрамі і не спрабуйце абмяняць іх. Адразу паведаміце аб падобнай знаходцы ў міліцыю.

Сяргей РАСОЛЬКА

Выбар рэдакцыі

Грамадства

Вогненныя вёскі. Нельга забыць. Драмлёва: Жудасны попельны верасень

Вогненныя вёскі. Нельга забыць. Драмлёва: Жудасны попельны верасень

У пякельным драмлёўскім агні абарваліся жыцці 183-х чалавек.