Нядаўна пабачыла свет кніга Андрэя Шведа «Судовая экспертыза». Аўтар кнігі, які на сёння займае пасаду Генеральнага пракурора Беларусі, — прызнаны ў сваёй галіне спецыяліст. Доктар юрыдычных навук, аўтар дзвюх манаграфій і больш чым 60 артыкулаў па праблемах крымінальнага працэсу і судова-экспертнай дзейнасці, ён узначальваў Дзяржаўны камітэт судовых экспертыз з моманту яго заснавання ў 2013 годзе. Таксама Андрэй Швед кіраваў распрацоўкай законапраекта «Аб судова-экспертнай дзейнасці».
Выданне пазначана як дапаможнік для юрыстаў і судовых экспертаў. У кнізе, што выйшла ў выдавецтве «Форум», і якую можна набыць у магазінах «Белкніга», выкладзены тэарэтычныя і прававыя асновы ажыццяўлення і арганізацыі судова-экспертнай дзейнасці згодна з дзеючым заканадаўствам. У кнізе раскрываецца алгарытм дзеянняў па падрыхтоўцы, назначэнні і правядзенні судовых экспертыз у крымінальным, грамадзянскім, адміністрацыйным і судовым працэсах. Таксама выкладзены рэкамендацыі па назначэнні ўсіх відаў экспертыз. Па кожным відзе дадзеныя прыкладныя формы пытанняў, пералік аб’ектаў і асаблівасці арганізацыі правядзення даследавання. Таксама ў кнізе ёсць формы дакументаў і кантактныя даныя ўсіх судова-экспертных арганізацый і прыватных экспертаў нашай краіны з указаннем экспертыз, якія яны праводзяць.
Кнігу рэкамендавана выкарыстоўваць у навучальным працэсе.
Аляксей КЛІМАЎ
Прэв’ю: БелТА
Існуюць строгія патрабаванні да месцаў для купання.
Яе песні займаюць першыя радкі ў музычных чартах краіны, пастаянна гучаць на радыё і тэлебачанні.
