Курс маладога байца для першакурснікаў стартаваў ва Універсітэце грамадзянскай абароны МНС. Ён працягнецца да канца жніўня.
Асноўная мэта — увядзенне ў будучую спецыяльнасць. На працягу трох тыдняў першакурснікі пазнаёмяцца з гісторыяй пажарна-выратавальнай справы Беларусі і ўніверсітэта МНС, вывучаць прававыя асновы дзейнасці органаў і падраздзяленняў па надзвычайных сітуацыях, а таксама асновы страявой падрыхтоўкі. Варта адзначыць, што асаблівая ўвага будзе надавацца заняткам па фізічнай і аварыйна-выратавальнай падрыхтоўцы, паведамляе МНС.
У першы дзень адбыўся агульны збор, у рамках якога хлопцы пазнаёміліся з кіраўніцтвам, курсавымі афіцэрамі, пагутарылі з псіхолагам і прайшлі ўводны інструктаж па ахове працы.
У рамках грамадзянска-патрыятычнага выхавання першакурснікі наведаюць гісторыка-культурны комплекс «Лінія Сталіна» і Беларускі дзяржаўны музей гісторыі Вялікай Айчыннай вайны, а таксама іншыя значныя гісторыка-культурныя аб’екты Беларусі.
10 верасня ў Мінску першакурснікі прынясуць Прысягу на плошчы Дзяржаўнага флага Рэспублікі Беларусь.
Сяргей РАСОЛЬКА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.