Запазычанасць па крэдытах і знаходжанне ў вышуку не перашкодзіла даўжніку-беларусу паспрабаваць рушыць на адпачынак у Сочы. Аднак круіз адмянілі супрацоўнікі органаў прымусовага выканання Савецкага раёна Гомеля, міліцыі і АМАПа, якія затрымалі падарожніка на вакзале, паведамілі ў Галоўным упраўленні юстыцыі Гомельскага аблвыканкама.
З красавіка даўжнік, які вінен па крэдытах двум банкам і дзяржпошліне 13 тысяч рублёў быў аб’яўлены ў вышук для вызначэння яго дакладнага месца жыхарства. Высветлілася, што да сярэдзіны ліпеня ён знаходзіўся ў Ізраілі, а напрыканцы месяца на яго імя быў набыты квіток на цягнік да Адлера.
Калі надышоў час пасадкі ў вагон, на вакзале з’явіліся судовыя выканаўцы, міліцыянеры і АМАПаўцы, якія і затрымалі даўжніка. Замест падарожжа ў Сочы несумленны грамадзянін трапіў у аддзел прымусовага выканання.
Ірына СІДАРОК
Прэв’ю: БелТА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.