Вы тут

Губернатар прапанаваў Лукашэнку падняць цэны на малако. Адказ Прэзідэнта яго не ўзрадаваў


Прадпрыемствы павінны дабівацца больш высокага прыбытку за кошт эфектыўнай вытворчасці, а не падняцця цэн на сацыяльна значныя тавары. Гэта падкрэсліў Прэзідэнт Беларусі Аляксандр Лукашэнка ў час наведвання Мінскага малочнага завода нумар 1, паведамляе БелТА.


Старшыня Мінаблвыканкама Аляксандр Турчын прапанаваў па асобных пазіцыях павялічыць цэны па малочцы. Паводле яго слоў, гэта дасць магчымасць паправіць эканамічнае становішча прадпрыемстваў. «Адзіная просьба... Гэта не папулярная, вядома, мера. У нас, на жаль, па шэрагу прадукцыі стратная вытворчасць. Мы не хочам нажывацца, але па нейкіх пазіцыях павінен быць іншы ўзровень рэнтабельнасці», — сказаў ён.

«Ты прапануеш падняць цэны на малочку? — адкрыта спытаў Аляксандр Лукашэнка.

«Па некаторых пазіцыях, не па ўсіх. Па малаку...» — пачаў пералічваць губернатар.

«Дык малако і кефір людзі ў асноўным і бяруць. Ты ж эканаміст. Што будзем рабіць з пенсіянерамі? Што тут гаварыць. Разлічваць на тое, што цэны вырастуць... Давайце больш надояў. Тады будзе і вышэйшая рэнтабельнасць», — адказаў Прэзідэнт.

Аляксандр Лукашэнка нагадаў, што ў дзяржавы ёсць сацыяльныя абавязацельствы і забываць пра іх не трэба. А галоўнае, падкрэсліў ён, павышаць прыбытковасць прадпрыемстваў трэба ў першую чаргу за кошт эфектыўнай вытворчасці, а не павышэння цэн.

Прэв’ю: БелТА

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

АВЕН. У аўторак падзеі будуць развівацца спрыяльна для вас, нечакана могуць узнікнуць новыя перспектывы для кар'еры. 

Калейдаскоп

5 важных рэчаў, якім бацькі абавязаны навучыць сваіх дзяцей

5 важных рэчаў, якім бацькі абавязаны навучыць сваіх дзяцей

Быць бацькамі — вялікая адказнасць. Кожны з нас хоча выхаваць дзіця ўпэўненым, добрым і шчырым. І самае галоўнае — шчаслівым.